Densaýlyq saqtaý ministri Ajar Ǵiniiat Qazaqstandaǵy epidemiologiialyq jaǵdai men shekteý sharalary týraly aitty, - dep habarlaidy Tengrinews.kz.
"Qazir ujymdyq immýnitet bar, elimizde 11 millionnan asa adam ekpe aldy. 5 millionǵa jýyq adam qaita egildi, bul ekpe alýy kerek kontinenttiń - 67 paiyzy. Sondai-aq, aýrýdan aiyqqan, immýniteti bar azamattar bar.
Sondyqtan búginde qatań shekteýler engizbeimiz. Adamdar kóp jinalatyn jerlerde maska taǵýdy usynamyz. Bul saýda ortalyqtary, áýejailar, vokzaldar, ushaqtar men poiyzdar bolýy múmkin", - dedi Ǵiniiat Úkimet kýlýarynda.
Densaýlyq saqtaý ministrliginiń basshysy demalys kezeńine bailanysty qazaqstandyqtar jii ekpe ala bastaǵanyn atap ótti.
"Búginde vaktsina qory shamamen - 2 million doza. Sondyqtan turǵylyqty jerińizdegi emhanalarǵa habarlasyp, ekpe jáne revaktsinatsiia týraly dárigerden keńes alýdy suraimyn", - dep qosty ministr.
