Qarjy ministri Erulan Jamaýbaev salada jaýapqa tartylǵan laýazym ieleri týraly aitty, dep habarlaidy QazAqparat.
«Memlekettik aýdit boiynsha aitatyn bolsam, 2020 jyly 10,4 trln teńgege 1,4 mln-nan astam memlekettik satyp alý rásimi kameraldyq baqylaýmen qamtyldy. Qorytyndysy boiynsha 983 mlrd teńgege ereje buzýshylyqtar eskertildi. 251 mlrd teńgege qarjylyq buzýshylyqtar anyqtaldy, onyń 74 paiyzy býhgalterlik esep pen qarjylyq eseptilikti júrgizý kezinde ereje buzýshylyqtarǵa tiesili», - dedi Jamaýbaev halyq aldynda esep berýi kezinde.
Onyń aitýynsha, taýarlardy jetkizýdi, qyzmetterdi kórsetýdi jáne jumystardy oryndaýdy qalpyna keltirý, biýdjetke óteý jáne esepke alý boiynsha kórsetý jolymen 237 mlrd teńgege kemshilikter joiyldy.
«251 material quqyq qorǵaý organdaryna jiberildi, al ereje buzýshylyqtarǵa jol bergeni úshin 2 349 laýazym iesi jaýapqa tartyldy. Aýdit obektileri qyzmetiniń tiimdiligin arttyrý úshin 1 950 usynym berildi», - dedi ministr.
