QR Bilim jáne ǵylym ministri Ashat Aimaǵambetov Tselinograd aýdanynyń Talapker aýylynyń jalpy orta bilim beretin mektebiniń sońǵy qońyraý saltanatty jiynyna qatysty, dep habarlaidy "Ult aqparat".
Aqmola oblystyq bilim basqarmasynyń málimetinshe, Talapker orta mektebi 2012 jyly paidalanýǵa berilgen. Mektep 900 oryndyq, qazirgi kezde onda 1865 oqýshy bilim alyp jatyr.
Talapkerlik mektep oqýshylary ár túrli respýblikalyq, oblystyq saiystarǵa qatysyp, júldeli oryndarǵa ie bolýda.
Biyl mektepti 75 túlek bitirgeli otyr, al taǵy 123 – 9 synyptyń oqýshylary. Onyń ishinde 4 «Altyn belgi», 6 úzdik attestatqa úmitkerler bar.
«Mine, oqý jyly de óz máresine jetti. Bul oqý jyly barlyq oqýshylar men stýdentter úshin ońai bolǵan joq. Dúnie júziniń bilim salasy pandemiia degen synaqtan ótti» – dedi Ashat Qanatuly. – Bilim jáne ǵylym ministri retinde taǵy aitqym keledi, eń myqty úzdik oqýshylarǵa, eń myqty úzdik túlekterge «muǵalim» mamandyǵyn tańdaýǵa shaqyramyn. Óitkeni bolashaqtyń kilti ustazdardyń qolynda. Elimizdi damyǵan elderdiń ishine qosamyz desek, onda bizge myqty muǵalimder kerek. Ol úshin myqty, úzdik oqýshylar «muǵalim» mamandyǵyn tańdaý kerek. Ol úshin biz tiisti jaǵdai jasap jatyrmyz. Memleket basshysynyń qoldaýymen ustazdardyń jalaqysy ósip jatyr. Ony taǵy eki ese ósiremiz. Tiisti qoldaý jasap, ári qarai tiisti jaǵdaidy jalǵastyramyz. Muǵalimge oqyp júrgen stýdentterdiń stipendiiasy eń joǵary, sondyqtan eń myqty túlekter muǵalim maamandyǵyn tańdaidy dep úmittenemin».
Ministr túlekterden kóńil-kúiin surap bildi.
Sondai-aq, mektep bitirýshiler aldynda óziniń ómirlik tájiribesin bólisip, qiyndyq pen qatelik jasaýdan qoryqpaý kerektigin aitty.
Ata-analar keńesiniń mańyzyn da atap ótti.
