Foto: instagram.com/akmaralalnazarova
Densaýlyq saqtaý ministri Aqmaral Álnazarova Transfýziologiia ǵylymi-óndiristik ortalyǵyna baryp, súiek kemigi donorlarynyń ulttyq reestrine tirkelý úshin donatsiia rásiminen ótkenin aitty, dep habarlaidy Ult.kz.
Bul týraly Densaýlyq saqtaý ministri óziniń áleýmettik jelidegi paraqshasynda bólisti. Ministrdiń aitýynsha, elimizde orta esepte 8 000-nan astam qan obyrymen aýyratyn patsient bar.
"Olardyń kópshiligi úshin qalpyna keltirýdiń jalǵyz úmiti – súiek kemigin transplantattaý. Alaida týys emes donorlar men retsipientterdiń arasyndaǵy úilesimdilik yqtimaldyǵy 10 000 jaǵdaiǵa shaqqanda 1-di quraidy. Bul donorlar tizimin keńeitý qajettiligin odan da ózekti etedi", – deidi Aqmaral Álnazarova.
Ministr búginde Gemopoezdik diń jasýshalary donorlarynyń ulttyq reestrinde (GDJ) 12 742 áleýetti donor bar ekenin málimdedi.
