Tótenshe jaǵdai merzimi sozylsa, kelesi aiǵa tólem avtomatty túrde beriledi. Bul týraly búgin Ortalyq kommýnikatsiialar qyzmetindegi brifingte QR Eńbek jáne halyqty áleýmettik qorǵaý ministri Birjan Nurymbetov aitty, dep habarlaidy QazAqparat.
«Jurt «Tótenshe jaǵdai sozyldy, ekinshi aiǵa áleýmettik tólem tólene me jáne oǵan taǵy ótinish beremiz be? dep surap jatyr. Joq. Sizge bir ret taǵaiyndalyp, tólense boldy. Ekinshi ret ótinish berý qajet emes. Siz tirkeldińiz, tólem berdik. Sizdi bilemiz, tanimyz. Tótenshe jaǵdai merzimi sozylsa, kelesi aiyna sizge aitpastan tólei beremiz», - dedi ministr.
Onyń aitýynsha, 16 naýryzdan 15 sáýirge deiingi merzimge 42 500 teńge áleýmettik tólem jasaldy. Endi karantin merzimi taǵy 15 kúnge sozylyp otyr. Sondyqtan jurtshylyq tarapynan 42 500 teńgeniń jartysy tólene me degen suraq túsip jatyr.
«Joq, bul tólem erekshe. Muny sol 29 sáýir kúni ótkizseńiz de bir kúnge, jarty aiǵa dep bólmeimiz. Ótinish berseńiz tolyǵymen 42 500 teńge tólenedi. Kúnine sanalmaidy. Mysaly, tótenshe jaǵdai bir ai bolyp odan keiin 5 kúnge sozylǵan kúnniń ózinde 42 500 teńge tóleitin edik», - dedi ol.
