Foto: qamqor.gov.kz
Qazaqstan Respýblikasynyń Qarjylyq monitoring agenttigi «QazTemirTrans» AQ-nyń burynǵy vitse-prezidenti A.A. Kapenovke qatysty qyzmettik ókilettigin asyra paidalaný jáne iri kólemde qarajat jymqyrý faktileri boiynsha sotqa deiingi tergeý júrgizip jatyr, dep habarlaidy Ult.kz.
Tergeý derekterine sáikes, ol qyzmettik jaǵdaiyn paidalanyp, júk vagondaryn basqarý qyzmetterin kórsetý barysynda ózine bailanysy bar kompaniialarǵa zańsyz artyqshylyqtar bergen. Nátijesinde «QazTemirTrans» AQ-ǵa 5,2 milliard teńgeden astam zalal keltirilgen.
Atalǵan kúdiktige qatysty halyqaralyq izdeý jariialanǵan. Sot sanktsiiasymen oǵan qamaýda ustaý túrindegi bultartpaý sharasy qoldanylǵan.
Zalaldy óteý jáne zańsyz alynǵan aktivterdi memleketke qaitarý maqsatynda Bas kólik prokýratýrasy «Dostyq» stantsiiasyndaǵy terminaldy sotqa deiin tárkileý týraly ótinish bergen. Astana qalasynyń qylmystyq ister jónindegi aýdanaralyq sotynyń sheshimimen bul múlik memleket kirisine ótkizildi.
Sonymen qatar, buryn «Qaztemirtrans» AQ-nyń Almaty filialy direktorynyń ustalýyna qatysty da túsinikteme berilgen. Al kompaniianyń burynǵy top-menedjeri D. Álmýsinge halyqaralyq izdeý jariialanǵan.
Tergeý amaldary jalǵasýda. QR Qylmystyq-protsestik kodeksiniń 201-babyna sáikes ózge málimetter jariia etilmeidi.
