Foto: toppress.kz
Adam metapnevmovirýsynyń (hMPV) taralýy úlken qaýip ákelmeidi. Bul týraly Dúniejúzilik densaýlyq saqtaý uiymynyń ókili Margaret Harris aitty, dep habarlaidy Ult.kz inbusiness.kz-ke silteme jasap.
DDSU baspasóz hatshysynyń aitýynsha, Qytaida mundai infektsiialardyń kóbeiýi maýsymdyq jaǵdailarmen tikelei bailanysty. Aspan asty eliniń aýrýlardy baqylaý jáne aldyn alý ortalyǵynyń málimetinshe, tumaý áli de eń kóp taralǵan aýrýdyń biri bolyp otyr.
Harris respiratorlyq infektsiialardyń taralý aýqymy qys mezgili úshin qalypty deńgeide ekenin basa aitty.
Adam metapnevmovirýsy alǵash ret 2001 jyly anyqtaldy. Margaret Harristiń sózinshe, bul virýs ádette sýyq tiiýge uqsas belgilerge ie, biraq basqa respiratorlyq infektsiialar siiaqty immýniteti tómen naýqastarda, nárestelerde jáne egde jastaǵy adamdarda aýyr ótýi múmkin.
Dúniejúzilik densaýlyq saqtaý uiymynyń ókili metapnevmovirýstan kóz jumǵandar úlesi "óte tómen" ekenin aitty. Mamandar qarapaiym aldyn alý sharalaryn saqtaýǵa shaqyrady.
