Foto: Gov.kz
Qazaqstandyqtar sáýir aiynan bastap merzimi ótken júrgizýshi kýáligin eGov.kz portaly jáne eGov Mobile mobildi qosymshasy arqyly onlain aýystyra alady. Bul týraly JI jáne tsifrlyq damý ministrliginiń baspasóz qyzmeti habarlady.
Buǵan deiin qyzmet tek qoldanystaǵy qujat bolǵan jaǵdaida, sondai-aq ony joǵaltý, urlaý nemese tegi, aty-jónin ózgertý kezinde ǵana onlain kórsetiletin. Endi qyzmet merzimi ótken qujattardy da qamtidy.
eGov.kz portaly arqyly qyzmetti alý úshin:
▫️portalǵa kirip, «Azamattarǵa» - «Kólik jáne kommýnikatsiialar» - «Avtomobil kóligi» bólimine ótý;
▫️«Júrgizýshi kýáligin alý» qyzmetin tańdaý;
▫️ daiyn qujatty alý úshin HQKO-ny kórsetý, fotosýretti júkteý;
▫️ qoltańba úlgisin jáne bailanys telefonyn engizý;
▫️memlekettik baj salyǵyn tóleý (1,25 AEK);
▫️ ótinimdi qoljetimdi tásilderdiń birimen rastaý.
Qaita ótinim bergen jaǵdaida «Buryn tólengen» fýnktsiiasyn paidalanýǵa bolady.
eGov Mobile qosymshasy arqyly:
▫️«eGov Memlekettik qyzmetter» - «Júrgizý jáne kólik» bólimine ótý;
▫️ «Júrgizýshi kýáligin berý» qyzmetin tańdaý;
▫️fotosýretti júkteý jáne qoltańba úlgisin engizý;
▫️ HQKO bólimin tańdaý;
▫️ memlekettik baj salyǵyn tóleý (1,25 AEK);
▫️ ótinimdi qol qoiý.
Qyzmet nátijesi eGov.kz portalyndaǵy Jeke kabinettegi «Habarlamalar» bóliminde jáne eGov Mobile qosymshasyndaǵy «Jeke kabinet tarihy» bóliminde kórsetiledi.
Daiyn qujatty ótinimde kórsetilgen HQKO-dan jeke kýálikti usyný arqyly alýǵa bolady. Fotosýretti júkteý kezinde belgilengen talaptardy saqtaý qajet. Tolyq talaptar tizimimen eGov.kz portalyndaǵy qyzmet pasportynan tanysýǵa bolady.
