Aldaǵy jeltoqsan merekeleri - QR Táýelsizdik kúni jáne Jańa jyl qarsańynda qosymsha úsh jolaýshy poiyzy qosyldy, dep habarlaidy QazAqparat «Jolaýshylar tasymaly» AQ-nyń baspasóz qyzmetine silteme jasap.
1) №202/201 «Nur-Sultan – Nurly jol-Shymkent» poiyzy Nur-Sultan-Nurly jol stansasynan 2021 jylǵy 15, 26, 29 jeltoqsanda, 2022 jylǵy 2 jáne 7 qańtarda, keri Shymkent stansasynan 2021 jylǵy 16, 27, 30 jeltoqsanda, 2022 jylǵy 3 jáne 8 qańtarda jóneltiledi.
2) №204/203 «Nur-Sultan-Nurly jol-Almaty-1» poiyzy Nur-Sultan-Nurly jol stansasynan 2021 jylǵy 15, 27, 29 jeltoqsanda, 2022 jylǵy 3 jáne 8 qańtarda, keri Almaty-1 stansasynan 2021 jylǵy 16, 28, 30 jeltoqsanda, 2022 jylǵy 4 jáne 9 qańtarda jóneltiledi.
3) №206/205 «Aqtóbe-Qyzylorda» poiyzy Aqtóbe stansasynan 2021 jylǵy 14, 18, 24, 28, 30 jeltoqsan, keri Qyzylorda stansasynan 2021 jylǵy 15, 19, 25, 29, 31 jeltoqsan jóneltiledi.
Budan basqa, jolaýshylar tasymaldaýǵa joǵary suranysqa ie baǵyttar boiynsha qosymsha vagondar tirkeý uiymdastyrylady.
Karantin rejimine bailanysty jolaýshylar jol júrgende jáne vokzaldarda betperde rejimin saqtaýy tiis.
