17 ministrlik, 48 komitet pen 10 jergilikti atqarýshy organnyń internet-resýrstary biryńǵai platformaǵa kóshti, dep habarlaidy "Ult aqparat".
Bul jóninde «Ulttyq aqparattyq tehnologiialar» AQ baspasóz qyzmeti málimet taratty.
Memlekettik organ jáne onyń qurylymdyq bólimshesi týraly negizgi aqparat ashyq túrde, olardyń resmi internet-resýrstarynda jariialanady. Mundai saittardyń sany júzdep sanalady. Bul - ministrlikterdiń, olardyń komitetteri men departamentteriniń saittary, oblystar, qalalar, aýdandar, aýyldar jáne basqa da vedomstvo, ákimdikter saittary.
«Memlekettik organdardyń barlyq saittary biriktirilip, aqparat alý men ózara is-qimyl jasaýdyń biryńǵai terezesine ainaldy. Meniń oiymsha, biz úlken jumys atqardyq jáne sol arqyly azamattar men memlekettiń ózara is-qimyl protsesin jeńildettik», - deidi «Ulttyq aqparattyq tehnologiialar» AQ Basqarma tóraǵasy Áset Turysov.
MO IRBP-da barlyq memlekettik organdar úshin olardyń qurylymdyq jáne aýmaqtyq bólimshelerin eskere otyryp, bólimder qurylǵan, onyń ishinde kontentti toltyrý boiynsha jumystar jalǵasýda. Bólimderdiń jalpy sany 900-ge jýyq.
Jańartylǵan qurylymy bar biryńǵai dizain, yńǵaily navigatsiia jáne ońai aqparat berý ony izdeýdi jeńildetedi. Memlekettik organdardyń jańalyqtary, anyqtamalyq aqparat, qujattar, NQA jáne t.b. basqa resýrstarǵa aýyspai, 2 ret basý úshin biryńǵai platformada qoljetimdi.
«Suraq-jaýap» servisiniń kómegimen paidalanýshylar ETsQ paidalanbai-aq memlekettik organdarǵa ashyq suraq qoiyp, jaýap ala alady.
Qazirgi ýaqytta MO IRBP fýnktsionalyn jańǵyrtý jalǵasýda jáne memlekettik organdardyń servisteri aýystyrylyp jatyr.
