Prezident Qasym-Jomart Toqaev «Atletiko Madrid» fýtbol klýbymen tabysty yntymaqtastyqty joǵary baǵalap, Migel Anhel Hil Marinniń Qazaqstanǵa sapary seriktestikti jańa deńgeige kóterýge múmkindik beretinin atap ótti, dep habarlaidy ult.kz.
Memleket basshysynyń aitýynsha, Qazaqstan zamanaýi fýtbol infraqurylymyna, jattyǵý bazasyna jáne jas oiynshylardy daiarlaý baǵdarlamasyna belsendi túrde investitsiia quiyp jatyr. Sonymen qatar eldegi fýtbol klýbtaryn jekeshelendirý úderisi jalǵasýda.
Budan bólek, Prezident FIFA-men birge barlyq óńirde balalarǵa arnalǵan 100-den astam jańa fýtbol alańyn salý jumystary qolǵa alynǵanyna nazar aýdardy.
Áńgimelesý barysynda Qasym-Jomart Toqaev Ispaniia quramasy men ispaniialyq fýtbol mektebiniń jetistikterine airyqsha toqtalyp, osy ozyq tájiribeni tereń zerdeleýge jáne ony qazaqstandyq daryndy oiynshylardyń jańa býynyn tárbieleý isinde paidalanýǵa múddeli ekenimizdi atap ótti.
«Atletiko Madrid» klýbynyń bas direktory elimizde fýtboldy qoldaýǵa erekshe nazar aýdarǵany úshin Prezidentke rizashylyǵyn jetkizdi.
Ol Almaty oblysyndaǵy «Atletiko Madrid» akademiiasynyń infraqurylymy týraly oń pikir bildirip, onyń keleshekte fýtbolǵa arnalǵan úzdik oqý-jattyǵý keshenderiniń biri bolatynyn aitty.
