Foto: Aqorda
Qasym-Jomart Toqaev Vetnam Kommýnistik partiiasy Ortalyq komitetiniń Bas hatshysy To Lamdy Prezident bolyp sailanýymen quttyqtady, dep habarlaidy Ult.kz.
– Sailaýdaǵy jeńisińiz eldi saiasi-ekonomikalyq turǵydan órkendetýge jáne ulttyq múddeni halyqaralyq deńgeide ilgeriletýge baǵyttalǵan mańyzdy josparlaryńyzǵa azamattardyń senimi joǵary ekenin kórsetedi. Sizdiń parasatty saiasatyńyz ben qajyrly eńbegińizdiń arqasynda Otanyńyz búgingiden de biik belesterge jete berýine tilektespin, – dep jazylǵan jedelhatta.
Sonymen qatar Memleket basshysy Vetnamdy Qazaqstannyń Aziiadaǵy mańyzdy seriktesteriniń biri retinde atap ótip, ózara strategiialyq áriptestik qos halyqtyń igiligi úshin odan ári nyǵaia túsetinine senim bildirdi.
