Foto: Aqorda
Prezident Qasym-Jomart Toqaev «Qazaqmys» korporatsiiasynyń Ulytaý oblysyndaǵy kenishinde taý massasynyń qulaýy saldarynan qaza bolǵan jumysshylardyń týǵan-týystary men jaqyndaryna kóńil aitý jedelhatyn joldady, dep habarlaidy Ult.kz.
Memleket basshysy Úkimetke tótenshe jaǵdaidyń mán-jaiyn muqiiat tekserý jóninde mindet júktedi.
Salalyq vedomstvolar men óńir ákimdigine marqumdardyń otbasylaryna barlyq qajetti kómek kórsetý týraly tapsyrma berildi.
Aita keteiik, Ulytaý oblysyndaǵy shahtada apat bolyp, aldymen 7 adam tótenshe jaǵdaida qalyp, keiin qaza bolǵandary belgili boldy.
Resmi derekke qaraǵanda, shahtada taý massasy qulaǵan.
QR Tótenshe jaǵdailar ministrligi baspasóz qyzmetiniń habarlaýynsha, qaitys bolǵan jeti jumysshynyń denesi joǵaryǵa kóterilip, sot-meditsinalyq saraptama júrgizý úshin politsiia qyzmetkerlerine tapsyryldy.
