Foto: Aqorda
Qasym-Jomart Toqaev elimizge alǵash ret saparmen kelgen Djevdet Iylmazǵa iltipat bildire otyryp, baýyrlas Túrkiia Qazaqstannyń strategiialyq seriktesi ekenine nazar aýdardy, dep habarlaidy Ult.kz.
"Baýyrlastyǵymyz ózara senim men qurmetke negizdelgen. Diplomatiialyq qatynas ornaǵan 35 jylǵa jýyq ýaqyt ishinde biz kóptegen biik belesti baǵyndyrdyq. Qarym-qatynasymyz joǵary qarqynmen damyp kele jatyr. Aramyzda eshqandai túitkil joq. 14 mamyrda Prezident Rejep Taiip Erdoǵan elimizge memlekettik saparmen keledi. Sapar aiasynda Strategiialyq yntymaqtastyq keńesiniń kezekti otyrysyn ótkizemiz. Jańa kelisimderge qol qoiamyz", – dedi Memleket basshysy.
Sonymen qatar Qasym-Jomart Toqaev búgin Astanada Qazaqstan Premer-ministri jáne Túrkiia Vitse-prezidentiniń teń tóraǵalyǵymen ótken Úkimetaralyq komissiia qorytyndysy eki eldiń san qyrly áriptestigin odan ári jandandyra túsetinine senim bildirdi.
Djevdet Iylmaz qazaq elinde kórsetilgen syi-qurmet úshin Memleket basshysyna alǵys aitty. Sondai-aq Prezident Rejep Taiip Erdoǵannyń sálemi men ystyq yqylasyn jetkizip, Túrkiia kóshbasshysy Qazaqstanǵa memlekettik saparyna jáne Túrki memleketteri uiymynyń Túrkistandaǵy beiresmi sammitine erekshe mán berip otyrǵanyn málimdedi.
"Joǵary deńgeide qol jetkizilgen ýaǵdalastyqtardy iske asyrý aiasynda jańa ǵana Premer-ministr Oljas Bektenov myrzamen birge Úkimetaralyq saýda-ekonomikalyq komissiiasynyń 14-otyrysyn ótkizdik. Onyń qorytyndysy boiynsha túrli saladaǵy naqty sharalardy iske asyratyn birlesken is-qimyl josparyna qol qoiyldy. Bul qujat aldaǵy kezeńge arnalǵan saýda-ekonomikalyq yqpaldastyǵymyzdyń jol kartasyna ainalady", – dedi Túrkiia Vitse-prezidenti.
Djevdet Iylmaz jańa Konstitýtsiiany qabyldaý boiynsha jalpyulttyq referendýmnyń tabysty ótýimen quttyqtap, Qazaqstannyń ósip-órkendeýine tilektestik bildirdi.
Memleket basshysy osy tarihi sátte baýyrlas túrik halqynyń qoldaýyn sezingenin, Túrkiiadan kelgen baiqaýshylar referendýmǵa erekshe atsalysqanyn atap ótti.
