Búgin Memleket basshysy Qasym-Jomart Toqaev kópten beri kókeiden ketpei júrgen «Qazaqstan Respýblikasynyń keibir zańnamalyq aktilerine jer qatynastary máseleleri boiynsha ózgerister men tolyqtyrýlar engizý týraly» Qazaqstan Respýblikasynyń Zańyna qol qoiǵan edi. Soǵan bailanysty áleýmettik jelide ártúrli sarapshylar men mamandar óz oilaryn ortaǵa sap, pikir bildirýde, dep habarlaidy "Ult aqparat".
"Oraza ait qutty bolsyn! Adamzat balasyn tirshilik ataýlyny qurmetteýge, izgi nietke, syilastyq pen joǵary mádenietke, rýhani garmoniiada ómir súrýge bastaityn oraza aiy aiaqtalyp, ait merekesine de jettik.
Dál osyndai qasietti mereke kúni Prezident Qasym-Jomart Toqaev myrza jerdi sheteldikterge satpaityn, jalǵa da bermeitin zań jobasyna qol qoidy. Qoǵam talabyn eskerip, halyq únine qulaq asyp, memleket basshysy tiisti zań jobasyn tikelei óz bastamasymen iske asyrdy. Parlamentte qaraldy. Búgin mine Prezident tarapynan qol qoiyldy.
Zań jobasynyń maqsaty - sheteldikterdiń, azamattyǵy joq adamdardyń, sheteldik zańdy tulǵalardyń, sheteldik qatysýy bar Qazaqstannyń zańdy tulǵalarynyń, halyqaralyq uiymdardyń, halyqaralyq qatysýy bar ǵylymi ortalyqtardyń, sondai-aq qandastardyń aýyl sharýashylyǵy maqsatyndaǵy jer ýchaskelerin jeke menshik quqyǵymen jáne ýaqytsha jer paidalaný quqyǵymen ielenýine tyiym salýdy engizýdi qarastyrady.
Qutty bolsyn aǵaiyn!" - dep jazady Eýraziialyq integratsiia institýtynyń sarapshysy, saiaattanýshy Baýyrjan Serikbaev.
