Foto: Aqorda
Shahbaz Sharif Qasym-Jomart Toqaevty Qazaqstan Respýblikasynyń jańa Konstitýtsiiasyn qabyldaý boiynsha respýblikalyq referendýmnyń tabysty ótýimen quttyqtady, dep habarlaidy Ult.kz.
Pákistan Premer-ministri memlekettik basqarý júiesi men institýtsionaldyq ornyqtylyqty odan ári nyǵaitýǵa jáne halyqtyń ál-aýqatyn jaqsartýǵa baǵyttalǵan bul ýaqiǵanyń tarihi mańyzyn atap ótti.
Shahbaz Shariftiń aitýynsha, búkilhalyqtyq daýys berý nátijesi Qazaqstan azamattary Qasym-Jomart Toqaevtyń saiasi jáne áleýmettik-ekonomikalyq reformalaryn keńinen qoldaitynyn kórsetti.
Memleket basshysy quttyqtaýy men referendým qorytyndysyn joǵary baǵalaǵany úshin Pákistan Premer-ministrine alǵys aitty.
Qasym-Jomart Toqaev pen Shahbaz Sharif eki el arasyndaǵy strategiialyq seriktestiktiń oń qarqynyna kóńilderi tolatynyn aitty. Osy oraida Prezidenttiń biyl aqpan aiynda Pákistanǵa jasaǵan memlekettik saparynyń nátijesinde qol jetkizilgen ýaǵdalastyqtardy júzege asyrý barysy talqylandy.
Memleket basshysy men Pákistan Premer-ministri óńirlik jáne halyqaralyq kún tártibiniń ózekti máseleleri jóninde pikir almasty.
