Foto: Aqorda
Áńgimelesý barysynda Shavkat Mirziioev Qasym-Jomart Toqaevty Qazaqstan Respýblikasynyń jańa Konstitýtsiiasy jobasy boiynsha referendýmnyń tabysty ótýimen quttyqtady, dep habarlaidy Ult.kz.
Ózbekstan Prezidentiniń aitýynsha, referendým nátijesi Qasym-Jomart Toqaev júrgizip jatqan aýqymdy reformalarǵa Qazaqstan halqy zor senim artatynyn kórsetedi.
Memleket basshysy qoldaý bildirip, halyqaralyq uiymdar quramynda Ózbekstannan baiqaýshylar missiiasyn jibergeni úshin Shavkat Mirziioevke alǵys aitty.
Taraptar strategiialyq seriktestik pen odaqtastyq rýhyndaǵy qazaq-ózbek qarym-qatynasy qarqyndy damyp kele jatqanyna toqtaldy.
Sondai-aq buǵan deiin qol jetkizilgen kelisimder men Joǵary memleketaralyq keńes sheshimderiniń iske asyrylý barysyna oń baǵa berip, barlyq deńgeidegi yqpaldastyqty jalǵastyrýǵa ýaǵdalasty.
Prezidentter óńirlik jáne halyqaralyq kún tártibindegi ózekti máseleler jóninde pikir almasyp, aldaǵy kezdesýlerdiń kestesin pysyqtady.
