Foto: Aqorda
Qazaqstan Prezidenti Taiaý Shyǵystaǵy ahýaldyń ýshyǵýyna alańdaýshylyq bildirip, Ámirlikterdiń basshylyǵy men barsha halqyna shynaiy qurmetin, qoldaýy men tilektestigin jetkizdi, dep habarlaidy Ult.kz.Qasym-Jomart Toqaev qarýly qaqtyǵys barysynda Birikken Arab Ámirlikteriniń azamattyq infraqurylymyna zaqym kelgenine qynjylatynyn aitty.
"Qazaqstan Birikken Arab Ámirlikterin dostas ári baýyrlas el retinde qarastyrady, qajet jaǵdaida qal-qaderinshe kómektesýge daiyn", – dedi Qazaqstan Prezidenti.
Memleket basshysy BAÁ azamattyq nysandaryna, sondai-aq Shyǵanaqtaǵy basqa da elderge jasalǵan shabýyl qatań aiyptalýy kerek dep sanaidy.
Sheih Muhammed ben Zaid Ál Nahaian elimizdiń qoldaýyn joǵary baǵalap, qazirgi halyqaralyq daǵdarysty eńserýde kómek kórsetýge yqylas tanytqany úshin rizashylyǵyn bildirdi.
Áńgimelesý barysynda taraptar Qazaqstan men BAÁ arasyndaǵy dostyq qarym-qatynas pen strategiialyq seriktestikti nyǵaitýǵa beiil ekenin rastady. Sondai-aq qasietti Ramazan aiynda eki eldiń halqyna beibitshilik pen baq-bereke tiledi.
