Foto: Aqorda
Áńgimelesý barysynda quqyqtyq tártipti qamtamasyz etý jáne qylmysqa qarsy kúres baǵyttaryndaǵy ekijaqty yntymaqtastyqtyń ózekti máseleleri talqylandy, dep habarlaidy Ult.kz.
Prezident Grýziia elimizdiń Ońtústik Kavkazdaǵy mańyzdy ári senimdi seriktesi sanalatynyn atap ótti. Sondai-aq eki memleket arasyndaǵy qarym-qatynastyń ýaqyt tezinen ótken tarihi tamyrlastyqqa qurylǵanyna toqtaldy.
Gela Geladze Qasym-Jomart Toqaevqa sheteldik týristerdiń, sonyń ishinde Qazaqstan azamattarynyń qaýipsizdigin saqtaý boiynsha grýziialyq quqyq qorǵaý organdarynyń atqaryp jatqan jumysy jóninde málimet berdi.
Qazaqstan men Grýziia ishki ister ministrlikteri uiymdasqan qylmysqa, esirtki tasymaldaýǵa, kiberqylmysqa jáne ekstremizmge qarsy kúres, sondai-aq ozyq tájiribeler almasý, maman daiarlaý baǵyttarynda ózara yqpaldastyqty nyǵaitýǵa nietti.
Kezdesýde Memleket basshysy Grýziia Prezidenti Mihail Kavelashvili men Premer-ministr Iraklii Kobahidzege sálemin joldady.
