Foto: Aqorda
Qasym-Jomart Toqaevqa elimizdegi otyn-energetika kesheniniń jaǵdaiy, negizgi jobalardy júzege asyrý barysy jáne sektordy odan ári damytý jospary jóninde esep berildi, dep habarlaidy Ult.kz.
Erlan Aqkenjenov munai salasynda ornyqty dinamika saqtalyp turǵanyn, munai óńdeýdi ulǵaitý josparyn baiandady.
Sol arqyly Shymkent munai óńdeý zaýyty jylyna – 6-dan 12 million tonnaǵa, Atyraý munai óńdeý zaýyty – 5,5-ten 6,7 million tonnaǵa jáne Pavlodar munai-himiia zaýyty 5,5-ten 9 million tonnaǵa deiin óndiristik qýatyn arttyrady.
2029 jylǵa deiin salynatyn jańa energetikalyq nysandar jaiynda málimet berdi. Biyl Almaty qalasynda ekinshi jylý elektr ortalyǵynyń qurylysy aiaqtalady. Sonymen qatar Qyzylorda men Túrkistan oblystarynda bý-gaz qondyrǵylary bazasynda elektr stantsiiasy boi kóteredi.
«Kómir óndirýdi damytý» ulttyq jobasynyń ázirlený barysy týraly aqparat usyndy.
Prezident otyn-energetika sektoryn odan ári damytý, sonyń ishinde munai-gaz, munai-gaz himiiasy jáne elektr energiiasy salalarynda josparlanǵan jobalardy ýaqtyly ári sapaly júzege asyrý boiynsha birqatar tapsyrma berdi. Óndiristik nysandardyń tiimdiligin arttyrý úshin tsifrlyq sheshimder men jasandy intellekt tehnologiialaryn belsendi túrde engizý mańyzdy ekenine toqtaldy.
