Foto: Aqorda
Qazaqstan Prezidenti Qasym-Jomart Toqaevqa balalar quqyqtaryn qorǵaý, olardyń qaýipsizdigin qamtamasyz etý jáne densaýlyqtaryn nyǵaitý baǵytyndaǵy jumystar týraly málimet berildi, dep habarlaidy Ult.kz.
Qabyldanǵan sharalar:
-
Sońǵy eki jylda balalardyń quqyqtaryn qorǵaý jáne zorlyq-zombylyqtyń, sýitsidtiń aldyn alý boiynsha birqatar baǵdarlamalar men zańdar ázirlendi.
-
Bala quqyqtary jónindegi ýákildiń bastamasymen zańnamaǵa 120 túzetý engizildi.
Monitoring jáne tekseris nátijeleri:
-
13 óńir men 73 eldi mekende júrgizilgen monitoring barysynda 272 mekemede balalardan jasyryn saýalnama alyndy, 173 otbasynyń jaǵdaiy zertteldi.
-
Bala quqyqtaryna qatysty zań normalarynyń 171 buzylý deregi anyqtaldy.
Otbasylyq qoldaý ortalyqtarynyń róli:
-
Aimaqtarda jumys istep jatqan 112 otbasylyq qoldaý ortalyǵynyń tiimdiligi dáleldendi. Bul ortalyqtar turmystyq zorlyq-zombylyqtyń aldyn alý jáne balalar quqyqtaryn qorǵaý maqsatynda ashylǵan.
Jańa bastamalar:
-
Oblys ákimdikteri janynan bala quqyqtaryn qorǵaý jónindegi basqarmalardy qurý jumystary qolǵa alyndy. Bul basqarmalardyń qyzmetin retteitin jańa zań jobasy ázirlenýde.
-
«Qazaqstan halqyna» qory seriktesterimen birge erekshe qajettilikteri bar balalarǵa arnalǵan 49 ońaltý ortalyǵy ashyldy.
Kezdesýde talqylanǵan máseleler:
-
«Qazaqstan balalary» baǵdarlamasyn ázirleý.
-
Onlain qaýipsizdikti qamtamasyz etý.
-
Kámeletke tolmaǵandardyń jeke málimetterin qorǵaý.
Prezidenttiń tapsyrmalary:
-
Jergilikti atqarýshy organdar men óńirlik ýákilderdiń kúshin jumyldyryp, bala quqyqtaryn qorǵaý júiesin nyǵaitý.
-
Mektepterde inkliýzivti bilim berý isin damytýǵa baǵyttalǵan qosymsha sharalardy qabyldaý.
