Úkimette ótken koronavirýs infektsiiasynyń taralýyna jol bermeý jónindegi vedomstvoaralyq komissiianyń kezekti otyrysynda memlekettik qyzmetshiderdiń 80%-yn qashyqtan jumys isteý tártibine aýystyrý usynyldy, dep habarlaidy "Ult aqparat".
«Aýrý adammen bailanysta bolǵandardyń arasynda virýsty juqtyrǵandar sany artty, onyń ishinde bir otbasy músheleri arasynda syrqattaný jaǵdaiy kóp tirkelýde. Ótken eki aptada koronavirýsty juqtyrǵandardyń jartysyna jýyǵy ujymdarǵa qatysty bolyp otyr», — dedi QR densaýlyq saqtaý vitse-ministri L. Biýrabekova.
Osyǵan orai, Premer-Ministrdiń orynbasary Eraly Toǵjanov adamdardyń aýyrý sany artyp otyrǵan óńirlerdiń ákimdikterine karantin sharalaryn kúsheitý máselelerin qarastyrýdy tapsyrdy.
Memlekettik organ basshylaryna ujymnyń 80%-yn qashyqtan jumys isteý tártibine aýystyrý usynyldy.
Keńes qorytyndysy boiynsha Premer-Ministrdiń orynbasary E. Toǵjanov birneshe naqty tapsyrmalar berdi.
