Foto: ashyq derekkóz
Elimizde alǵash ret erekshe bilim berý qajettilikteri bar balalardy arnaiy psihologiialyq-pedagogikalyq qoldaý standarty ázirlendi. Memlekettik deńgeide bilim berýdiń barlyq deńgeilerinde erekshe bilim berý qajettilikteri bar balalardy súiemeldeýge júieli tásil bekitiledi, dep habarlaidy Ult.kz Úkimettiń esebine silteme jasap.
«Erekshe bilim berý qajettilikteri bar balalardy keshendi qoldaý týraly» Zań jobasy ázirlenýde, ol otbasy men balany súiemeldeýge baǵyttalǵan vedomstvoaralyq tetikterdi qamtityn bolady.
Úzdiksiz inkliýzivti bilim berýdiń ulttyq ortalyǵyn qurý boiynsha jumystar júrgizilýde. Elimizdegi mektepterdiń 90%-ynda inkliýzivti bilim alý úshin jaǵdai jasalǵan, al balalardy arnaiy psihologiialyq-pedagogikalyq qoldaýmen qamtý 85%-Elimizdegi mektepterdiń 90%-in inkliýzivti bilim alý úshin jaǵdai jasalǵan, al balalardy arnaiy psihologiialyq-pedagogikalyq qoldaýmen qamtý 85%-ǵa jetti jetti. Arnaiy bilim berý uiymdarynyń jelisi 504 birlikke jetti. Mektepter janynan erekshe bilim berý qajettilikteri bar balalardy qoldaýdyń 121 kabineti ashyldy.
2024 jyly bilim berý uiymdarynda zańnamany jetildirý sheńberinde:
- ➤ mektepke deiingi tárbie men oqytý, tehnikalyq jáne kásiptik bilim berý deńgeilerinde «pedagog-assistent» shtat birligi engizildi;
- ➤ jalpy bilim berý uiymdarynyń úlgilik shtattary «arnaiy pedagog» laýazymy engizildi;
- ➤ tirek-qimyl apparaty buzylǵan balalardy fizikalyq súiemeldeý úshin «bilim berý uiymdaryndaǵy jeke kómekshi» jańa laýazymy engizildi;
- ➤ psihologiialyq-meditsinalyq-pedagogikalyq konsýltatsiialardyń, psihologiialyq-pedagogikalyq túzetý kabinetteriniń, ońaltý ortalyqtarynyń jáne aýtizm spektri buzylǵan balalardy qoldaý ortalyqtarynyń jekelegen úlgilik shtattary bekitildi;
- ➤ aýtizmi bar balalardy qoldaý ortalyqtary «Damýynda problemalary bar balalar men jasóspirimderdi ońaltý jáne áleýmettik beiimdeý» memlekettik kórsetiletin qyzmet berýshilerdiń tizbesine engizilgen;
- ➤ aýtizmi bar balalarǵa arnalǵan túzetý komponenti mektepke deiingi tárbie men oqytýdyń úlgilik oqý josparlaryna engizildi.
Elimizdiń 11 óńirinde 18-de psihologiialyq-pedagogikalyq túzetý kabinetteri erte qoldaý kabinetteri ashyldy. Biliktilikti arttyrý kýrstarymen erekshe bilim berý qajettilikteri bar balalarmen jumys isteitin 10 myńnan astam pedagog qamtyldy.
TjKB uiymyna oqýǵa túsý kezinde múgedektigi bar adamdar qataryndaǵy azamattar úshin qabyldaý kvotasynyń mólsheri 1-den 10%-ǵa deiin ulǵaityldy.
Balalardy qorǵaýda jyldam ári qaýipsiz bailanys ornatý maqsatynda mektepter men kolledjderde «111» bailanys ortalyǵyna qol jetkizýge múmkindik beretin QR-kodtar engizildi. Bul psihologiialyq, quqyqtyq jáne áleýmettik kómekti jasyryn túrde alýǵa múmkindik beredi.
2025 jyly qamqorshylyq organdarynyń shtatyn 2,5 esege ulǵaitý josparlanýda. Sonymen qatar endi jetim balalardyń tálimgerleri psihologiialyq daiyndyqtan ótedi.
Budan bólek, memleket jekemenshik mektepterde oqityn bastaýysh synyp oqýshylaryn tegin tamaqpen qamtamasyz etýge 12 mlrd teńgeden astam qarajat bóldi. Psihologiialyq qoldaý ortalyqtary biyl 250 myńnan astam oqýshylar men olardyń otbasylaryna kómek kórsetti.
