Foto: Pexels.com
Senator Janna Asanova jastardy óz betinshe ómir súrýge daiyndaý maqsatynda mektep baǵdarlamasyna ómirlik daǵdylar boiynsha kýrstar engizýdi usyndy, dep habarlaidy Ult.kz.
Qazirgi balalardyń kóp ýaqyty san áleminde ótedi, sonyń saldarynan óz betinshe ómir súrý úshin qajetti negizgi turmystyq jáne áleýmettik daǵdylardy meńgerý deńgeii tómendep barady. Senator Janna Asanova óz depýtattyq saýalynda osy másele týraly málimdedi. Onyń aitýynsha, mektepte tájiribelik daǵdylardy meńgermeý balalardyń jeke derbestigine ǵana emes, otbasylyq institýttyń turaqtylyǵyna da áser etedi.
Senator osyǵan bailanysty orta jáne joǵary synyp oqýshylaryna arnalǵan ómirlik mańyzy bar daǵdylardy damytatyn pánderdi oqý baǵdarlamasyna engizýdi usyndy.
«Balalardyń kúnniń kóp bóligin mektepte ótkizetinin eskere otyryp, orta jáne joǵary synyptarǵa qosymsha pánderdi engizý oryndy bolar edi. Bul pánder turmystyq daǵdylardy, aǵash sheberi men ustalyq ónerdi, alǵashqy meditsinalyq kómek kórsetý, tótenshe jaǵdailardaǵy qaýipsizdik erejelerin, ózin-ózi qorǵaý negizderin, sondai-aq quqyqtyq jáne qarjyǵa saýatty bolýdy qamtýy tiis. Sonymen qatar, qarjyǵa saýatty bolýdy bastaýysh synyptan bastap oqytý qajet», – dep atap ótti senator Janna Asanova.
