Foto: Oqý-aǵartý ministrligi
Qazaqstan mektepterinde 11-synyp oqýshylaryna jańa Konstitýtsiiany túsindirýge arnalǵan arnaiy sabaqtar ótkizildi, dep habarlaidy Ult.kz.
Is-shara biryńǵai “Adal Azamat” bilim berý baǵdarlamasy aiasynda uiymdastyrylyp, elimizdiń barlyq óńirinde bir mezgilde ótti. Sabaq taqyryby — “Bilim berý memlekettik saiasattyń negizgi qundylyǵy retinde: Jańa Konstitýtsiianyń basymdyqtary”.
Oqý-aǵartý ministrliginiń málimetinshe, bastamanyń negizgi maqsaty — oqýshylardyń quqyqtyq saýattylyǵyn arttyrý, Konstitýtsiia normalaryn túsindirý jáne azamattyq jaýapkershilikti qalyptastyrý.
Sabaq barysynda oqýshylar negizgi konstitýtsiialyq qaǵidalarmen tanysyp, quqyqtyq mádeniet pen zańǵa qurmet máselelerine basymdyq berildi. Biryńǵai formattaǵy synyp saǵattary oqýshylardyń quqyqtyq taqyryptar tóńireginde ortaq túsinik qalyptastyrýyna múmkindik bergen.
Aita keteiik, buǵan deiin jańa Konstitýtsiiany mektepter men joǵary oqý oryndarynda oqytý týraly usynys aitylǵan bolatyn.
