QR DSM
Sońǵy jyldary Qazaqstanda aýyz qýysy aýrýlarynyń ósýi, onyń ishinde tisjegi men tis julýdyń asqynǵan túrleriniń sany ósti. Tekserilgen 10 balanyń 7-ýine tisjegi bar tister diagnozy qoiylady. Osyǵan bailanysty, ótken jyly Ministrlik 2024-2028 jyldarǵa arnalǵan «Bolashaqqa – saý tispen» mektep jasyndaǵy balalardyń stomatologiialyq aýrýlarynyń profilaktikasyn jetildirý jónindegi jol kartasyn bekitti, dep habarlaidy Ult.kz.
Bilim berý uiymdarynda stomatologiialyq aýrýlardyń profilaktikasy kabinetterin ashý jáne odan ári jumys isteý boiynsha QR Bilim ministrligimen birlesken is-sharalar jospary ázirlendi.
Osy jospardyń sheńberinde respýblika boiynsha 145 stomatologiialyq kabinet jumys isteidi, 2025 jyly taǵy 195 stomatologiialyq aýrýlardyń profilaktikasy kabinetin ashý josparlanýda.
Búginde elimizdiń mektep uiymdarynda stomatologiialyq aýrýlardyń profilaktikasy boiynsha foto jáne beinematerialdardy, oqýshylarǵa arnalǵan aýyz qýysynyń gigienasy sabaqtaryn, stomatolog dárigerlerge, dantisterge jáne stomatologiialyq gigienisterge arnalǵan ǵylymi-praktikalyq konferentsiialardy paidalana otyryp, keń aýqymdy sanitariialyq-aǵartý jumystary júrgizilýde.
