Foto: Unsplush
Qazaqstandaǵy 1100 mektepte STEM-zerthanalar bazasynda drondardy basqarý úiirmeleri ashyldy, dep habarlaidy Ult.kz.
Bul úiirmelerde oqýshylar drondardy qurastyrý men baǵdarlamalaý daǵdylaryn meńgerip, tehnikalyq oilaý qabiletin, injenerlik mashyqtaryn jáne praktikalyq daǵdylaryn damytady.
Mundai úiirmelerge qatysatyn oqýshylar robototehnika boiynsha túrli jarystarǵa belsene qatysýda. Jýyrda ulttyq Aspan Drone Competition týrniriniń jeńimpazdary Qazaqstan namysyn halyqaralyq deńgeide qorǵaityn bolady.
Sonymen qatar elimiz boiynsha 24 jas tehnikter stantsiiasy men tehnikalyq shyǵarmashylyq ortalyǵy jumys istep tur. Bul ortalyqtarda balalardyń injenerlik jáne ónertapqyshtyq qabiletterin damytýǵa baǵyttalǵan júieli jumystar júrgizilýde.
Al biyl tehnikalyq jáne kásiptik bilim berý uiymdarynda suranysqa ie jańa mamandyq – dron operatory boiynsha mamandardy daiarlaý isi bastalady.
