Foto: Jambyl oblysynyń ákimdigi
Jambyl oblysynda keshe T. Rysqulov aýdanynda bolǵan qatty jelden keiin jergilikti deńgeidegi tótenshe jaǵdai jariialanǵan. Qatty jel saldarynan Merki aýdanyndaǵy nysandarǵa da zaqym kelgen, dep habarlaidy Ult.kz oblystyq ákimdikke silteme jasap.
Jambyl oblysynda ekpini 30 m/s-qa jetetin qatty jel soǵyp, birqatar nysannyń shatyry búlinip, birneshe eldimekende jaryq sónip, gaz óship qalǵanyn edi.
Óńir ákimdiginiń málimetinshe, oblys basshysy Erbol Qarashókeevtiń tapsyrmasyna sáikes oblys ákiminiń birinshi orynbasary Nurjan Kalenderov T. Rysqulov aýdanyna baryp, qatty jelden zaqym kelgen nysandardyń jai-kúiin teksergen.
"Keiingi málimetterge sáikes 7 eldimekendegi 29 nysannyń shatyry ushqan. Onyń ishinde 10 áleýmettik nysan bar. Sondai-aq 19 eldimekende elektr jaryǵy óship, 7 eldimekende gaz berý ýaqytsha toqtatylǵan. Elektr jaryǵy men gazdy qalpyna keltirý jumystaryna 10 brigada jumyldyryldy. Jóndeý jumystary aiaqtalyp jatyr. T.Rysqulov aýdanynda birqatar nysan boiynsha nysanaly tótenshe jaǵdai jariialandy", - delingen habarlamada.
Sondai-aq qatty jel saldarynan Merki aýdanyna qarasty 5 aýyldyq okrýgtegi 27 turǵyn úidiń shatyryna ishinara zaqym kelgen. Sonymen qatar 5 bilim berý nysanynyń shatyry men syrtqy qasbeti búlingen. 8 aýyldyq eldimekende elektr jaryǵy sónse, 3 eldimekende gaz jelilerine zaqym kelgen.
"Jalpy, eki aýdanda da zardap shekken turǵyndar joq. Qoǵamdyq-saiasi ahýal turaqty. Qazirgi tańda daýyl saldarynan kelgen shyǵyn kólemin anyqtaý jumystary jalǵasyp jatyr. Kommýnaldyq jeliler shtattyq rejimde jumys isteýde", - delingen habarlamada.
Nurjan Kalenderov T. Rysqulov jáne Merki aýdandary ákimderine naqty mindetter júktegen:
elektr energiiasy men kógildir otynnyń tolyq ári turaqty berilýin qamtamasyz etý;
qajet bolǵan jaǵdaida qosymsha kúshter men quraldardy tartýǵa usynys berý;
qulaǵan aǵashtar men búlingen shatyrlardy jedel tazalaý;
zaqym kelgen bilim berý nysandarynda balalardyń qaýipsizdigin saqtaý;
qalpyna keltirý jumystaryn sapaly ári belgilengen merzimde aiaqtaý.
