QR Bilim jáne ǵylam ministri Ashat Aimaǵambetov 1 qyrkúiekten oqý jyly qandai formatta bastalýy múmkin ekenin aitty, – dep habarlaidy "Ult aqparat".
«Qashyqtan oqytý ýaqyt talaby ekenin túsinemiz. Bul taqyryp úide bilim alatyn balalarǵa, sondai-aq qysta aýyldyq eldi mekenderde jol ashylmaǵanda oqýdan qalǵan balalarǵa qatysty. Osy oraida túrli jaǵdai bolyp jatady. Sáikesinshe, bul jaǵdailarda zamanaýi tehnologiialardy kómegi tiip, bilim berý protsesine qoldaý jasalady. Alaida bul 1 qyrkúiekten qashyqtan oqýǵa kóshirýdi bildirmeidi», - dedi A. Aimaǵambetov onlain baspasóz máslihatynda.
Onyń sózine qaraǵanda, pedagogtar, ministrlik, ata-analar men oqýshylardyń ózderi dástúrli formatta oqytý tiimdi ári yńǵaily ekenin túsinip otyr.
«Bilim berý protsesi - ol tek aqparat berý ǵana emes. Bul turǵyda áleýmettendirý, balalar arasynda ózara is-qimyl men qarym-qatynas, tárbielik protsess sekildi mańyzdy másele bar», - dedi ministr.
Budan buryn habarlanǵandai, 11-synyp túlekterine attestat 3-4 maýsymda tapsyrylady.
