«Elektrondyq úkimet» portalynda mektepke deiingi, bastaýysh, negizgi orta, jalpy orta jáne arnaiy bilim berý uiymdaryna qabyldaýǵa buryn berilgen ótinimniń mártebesin tekserý boiynsha jańa servis iske qosyldy, dep habarlaidy «Ulttyq aqparattyq tehnologiialar» AQ baspasóz qyzmeti.
«eGov.kz portalynda mektepke deiingi uiymdarǵa qujat tapsyrý jáne qabyldaý jónindegi qyzmet keńinen tanymal bolady dep oilaimyz. Sondyqtan biz berilgen ótinishterdi qadaǵalaý protsesin qarapaiym ári bárine túsinikti etýge tyrysamyz», - dedi «Ulttyq aqparattyq tehnologiialar» AQ basqarma tóraǵasy Áset Turysov.
Qyzmetti alý úshin eGov.kz portalyna kirip, avtorizatsiiadan ótý qajet. «Servister» bólimindegi tizimnen «Mektepke ótinim mártebesin tekserý servisi» degendi tańdaý qajet. Budan ári, ótinishtiń biregei kodyn engizip, jeke kabinette, «Qyzmetterdi alý tarihy» bóliminde sizdiń ótinimińizdi óńdeý týraly habarlamamen tanysý kerek.
Qyzmet kórsetýdiń nátijesinde qujattardyń qabyldanǵany týraly qolhat berý jáne oqý jylynyń basyna orta bilim berý (bastaýysh, negizgi orta, jalpy orta) uiymyna qabyldaý týraly buiryq shyǵarý nemese qabyldaýdan bas tartý týraly dáleldi jaýap keledi.
