Foto: OAM
Qazaqstan Respýblikasy Oqý-aǵartý ministrligi men Qazaqstan Respýblikasy Ishki ister ministrligi birlesip mektepterdegi bitirý keshterin ótkizý tártibin naqtylady, dep habarlaidy Ult.kz.
Jańa talaptarǵa sáikes, attestat tapsyrý rásimi tek bilim berý uiymdarynyń ǵimarattarynda ótkiziledi. Sonymen qatar, oqýshylardan, ata-analardan nemese zańdy ókilderden aqsha jinaýǵa jáne kez kelgen materialdyq qundylyqtardy talap etýge qatań tyiym salyndy.
Qujatta bitirý keshterin mektepten tys jerlerde, onyń ishinde meiramhanalar men oiyn-saýyq oryndarynda uiymdastyrýǵa jol berilmeitini atap ótilgen.
Bul sharalar oqýshylardyń qaýipsizdigin qamtamasyz etýge, olardyń quqyqtaryn qorǵaýǵa jáne quqyq buzýshylyqtardyń aldyn alýǵa baǵyttalǵan.
Sondai-aq jergilikti atqarýshy organdarǵa qarjylyq shyǵyndardy qajet etpeitin mádeni-aǵartýshylyq jáne tárbielik is-sharalardy uiymdastyrý tapsyryldy. Al ishki ister organdaryna qoǵamdyq tártipti saqtaý jáne bitirýshilerdiń qaýipsizdigin baqylaý mindeti júkteldi.
