Foto: polisia.kz
Almaty qalasy politsiiasy mektep bitirýshiler men olardyń ata-analaryn oqý jylynyń aiaqtalýyna arnalǵan sharalar kezinde qaýipsizdik erejeleri men tártipti saqtaýǵa shaqyrdy. Sebebi jastar kólik tizgindep, erejelerdi buzýda, dep jazady Ult.kz inbusiness.kz-ke silteme jasap.
Almaty qalalyq politsiia departamenti jergilikti politsiia qyzmeti basqarmasynyń bastyǵy Serik Shumaevtyń aitýynsha, sońǵy qońyraý – qýanyshty kún, alaida ony qaiǵyly jaǵdailarmen aiaqtamaý kerek.
"Ókinishke qarai, bitirýshiler tarapynan jol júrý erejelerin óreskel buzýdyń 20 jaǵdaiy tirkeldi. Jasóspirimder kólik terezelerinen jáne liýkterinen shyǵyp, qaýipti manevrler jasaǵan. Mundai kólikter toqtatylyp, júrgizýshiler jaýapkershilikke tartyldy.
Sonymen qatar ata-analar da óz mindetterin durys oryndamaǵany úshin jaýapqa tartyldy. Barsha azamattardy jol erejesin saqtaýǵa, al ata-analardy balalarynyń qaida júrgenin, úilerine qalai oralatynyn baqylaýǵa shaqyramyz. Qaýipsizdik – bárinen mańyzdy", dedi ol.
Qazir basqa qalalar da baqylaýdy kúsheitýde.
