Ózbekstan Respýblikasy Premer-Ministriniń keńesshisi Mehriddin Hairiddinov ózbek jurtynyń jaǵdaiyn bilýge kelgenin ashyq aitty. Keńesshi bul týraly Nur-Sultan qalasyndaǵy Dostyq úiine Ózbekstan eliniń delegatsiiasynyń kelgeninde pikir bildirip otyr, - dep habarlaidy «Ult aqparat».
Kelgen delegatsiiaǵa Dostyq úiinde ornalasqan elorda etnomádeni birlestikteriniń jumys kabinetin aralatyp, olardyń atqaratyn qyzmetterimen tanystyrǵan Nur-Sultan qalasy Ishki saiasat basqarmasy basshysynyń orynbasary Lázzat Qusaiynova Assambleianyń jumysy týraly da keńinen toqtalyp ótti.
«Qazaqstan Respýblikasynyń Tuńǵysh Prezidenti-Elbasy Nursultan Ábishuly Nazarbaev bastamasymen Qazaqstan halqy Assambleiasy elimizdiń biregei institýty retinde qurylǵan bolatyn. Sonymen birge, memleket tarapynan Qazaqstanda turatyn árbir ulttyń ana tili, tarihy men mádenieti, salt-dástúrleri men ádet-ǵuryptarynyń damýyna tiisinshe qamqorlyq jasalyp keledi. Mundai igi qamqorlyq bárine birdei teń jasalǵan dep senimmen aita alamyz. Sonyń aiqyn dálelindei, bir ǵana mysaldy atap óter bolsam, uly ǵulama Álisher Naýaidiń ómir joly men shyǵarmashylyǵyna arnalǵan ádebi-mádeni keshterdi jyl saiyn ótkizip kelemiz. Munan ózge, elordada árbir etnostyń ana tilin damytýǵa arnalǵan jeksenbilik mektepteri bar»,-dedi Ishki saiasat basqarmasy basshysynyń orynbasary Lázzat Qusaiynova.
Ózbekstan Respýblikasy Premer-Ministriniń keńesshisi Mehriddin Akmalovich Hairiddinov Qazaqstandaǵy ózbek halqynyń jaǵdaiyn óz kózimen kórýge kelgenin jasyrmady.
«Biz Qazaqstandaǵy ózbek halqynyń qalyn kórýge keldik. Táýelsiz Qazaqstan kóp ultty bir shańyraq astyna syidyryp otyrǵan qýatty memleket. Sondai-aq, Qazaqstannyń táýelsizdik jyldarynda zor tabystarǵa qol jetkizdi, osy isterdi utymdy uiymdastyryp, onyń iske asyrylýyna aianbai jumys jasap kele jatqan Qazaqstan Respýblikasynyń Tuńǵysh Prezidenti-Elbasy Nursultan Ábishuly Nazarbaevtyń eńbegi ushan-teńiz ekeni daýsyz. Ózderińiz bilesizder, biyl Ózbekstan Respýblikasy da óz Táýelsizdiginiń 30 jyldyǵy atap ótedi. Osyǵan orai elde Prezident sailaýy ótkiziledi. Elden tys júrgen jurtqa da sailaýda belsendi bolýyn suraimyz», - dedi Premer-Ministriniń keńesshisi Mehriddin Hairiddinov
Aita keteiik, Ózbekstan Respýblikasy Premer-Ministriniń keńesshisi Mehriddin Hairiddinov bastaǵan delagatsiia quramynda Ózbekstan Respýblikasy Jumyspen qamtý jáne eńbek qatynastary ministriniń birinshi orynbasary Erkin Mýhitdinov, Ózbekstan Respýblikasy Ministrler kabinetiniń qyzmetkeri Otabek Botirjonov, Ózbekstan Respýblikasy Jumyspen qamtý jáne eńbek qatynastary ministrligi janyndaǵy syrtqy eńbek kóshi-qon agenttigi halyqaralyq yntymaqtastyq basqarmasynyń bastyǵy Ravshan Atabaev, QR-daǵy Ózbekstan Respýblikasynyń Tótenshe jáne Ókiletti Elshisi Saidikrom Niiazhodjaev, Ózbekstan Respýblikasy Elshiliginiń kóshi-qon máseleleri boiynsha hatshysy Farhod Mahmýdjanov, Qazaqstandaǵy Ózbekstan Respýblikasy Elshiliginiń konsýly Dilshod Hakimov bar.
«Biyl táýelsizdiginiń 30jyldyǵyn toilaityn qurdas táýelsiz memleketterdiń ózara dostyǵy erekshe. Oǵan búgingi kúni júrgizilip otyrǵan saiasat pen diplomattyq qarym-qatynastardy negizge ala otyryp, eki eldiń barlyq azamattary kýá deýge bolady. Qazaqstan men Ózbekstannyń dostyǵy men yntymaqtastyǵy, sondai-aq áleýmettik-ekonomikalyq bailanystaryn nyǵaitýǵa aitarlyqtai úlesterin qosyp kele jatqan Qazaqstan Respýblikasynyń Tuńǵysh Prezidenti-Elbasy Nursultan Ábishuly Nazarbaev pen Memleket basshysy Qasym-Jomart Kemeluly Toqaevqa shynaiy alǵys bildiremiz», - dedi Ózbekstan Respýblikasynyń Tótenshe jáne Ókiletti Elshisi S.Niiazhodjaev.
Esterińizge sala keteiik, Nur-Sultan qalasyndaǵy Dostyq úiine Ózbekstan eliniń delegatsiiasy kelgen bolatyn. Bul basqosýda Ózbekstan Respýblikasy Premer-Ministriniń keńesshisi Mehriddin Hairiddinov ózbek jurtynyń jaǵdaiyn bilýge kelgenin ashyq aitty. Al Nur-Sultan qalasy Ishki saiasat basqarmasy basshysynyń orynbasary Lázzat Qusaiynova kelgen delegatsiiaǵa Dostyq úiinde ornalasqan elorda etnomádeni birlestikteriniń jumys kabinetin aralatyp, olardyń atqaratyn qyzmetterimen tanystyrdy. Sondai-aq, Qazaqstan halqy Assambleiasynyń jumysy týraly da keńinen toqtalyp ótti.
