Almaty qalalyq Jasyl ekonomika basqarmasy «Medeý» sport kesheninen Shymbulaqqa ekotaksi men avtobýstar qashan júretinin aitty, dep habarlaidy "Ult aqparat".
Almatylyqtar áleýmettik jelide Medeýden «Shymbulaq» taý shańǵysy kýrortyna jetý qiynǵa soqqanyn aityp, shaǵymdandy.
Almaty qalalyq Jasyl ekonomika basqarmasynyń málimetinshe, «Shymbulaq» taý shańǵysy kýrortyna qatynaý karantinge bailanysty toqtatylǵan.
«Epidemiologiialyq jaǵdaiǵa bailanysty «Shymbulaq» taý shańǵysy kýrortyna barý shekteýli boldy. Jaqynda atalǵan baǵyt boiynsha elektrotaksiler júretin bolady. Al jańa elektr avtobýstary qyrkúiek aiynan bastap qatynaidy», - dep jaýap berdi basqarmadan.
