Biyl elimizdiń Táýelsizdigine 30 jyldyǵyna orai halyq qalaýlylary el-jerdi aralap, túrli kezdesýler uiymdastyrýda. Sondai kezdesýdiń biri Taldyqorǵan qalasynda ótti, - dep habarlaidy «Ult aqparat».
Qazaqstan Respýblikasy Parlamenti Májilisiniń depýtaty Vakil Nabiev Almaty oblysyna kelip, oblystyq Qazaqstan halqy Assambleiasynyń múshelerimen, etnomádeni birlestikterdiń, analar jáne Qoǵamdyq kelisim keńesteriniń ókilderimen, «Jańǵyrý joly» oblystyq shtabynyń belsendilerimen kezdesti.
«Táýelsizdigine endi ǵana 30 jyl tolyp otyrǵan jas memleketimiz kóptegen ulttardy bir shańyraq astyna syidyryp otyrǵany barshamyzǵa málim. Bereke-birligi jarasyp, yntymaǵy artqan el turǵyndary búginde qýanyshty da, qiyndyqty da birge eńserip keledi. Búgingi bizdiń basty maqsatymyz - ultaralyq jáne konfessiiaaralyq kelisimdi, sondai-aq, memleketimizdiń barlyq etnostarynyń jalpyulttyq birligin odan ári nyǵaitý jáne saqtaý boiynsha QHA-nyń belsendi jumysyn jalǵastyrý bolyp otyr», - dedi Parlament Májilisiniń depýtaty Vakil Nabiev.
Atalǵan jiyndy oblystyq ishki saiasat basqarmasy etnosaralyq qatynastar bóliminiń bas mamany Ábilhaiyr Oralov júrgizip otyrdy. Ol óz sózinde tuǵyrly Táýelsizdigimizdiń 30 jyldyǵyn merekeleý jer-jerde igi sharalarǵa ulasyp jatqanyn jetkizip, Táýelsizdiktiń jemisi bolǵan Qazaqstan halqy Assambleiasy ekenin airyqsha atap ótti.
Al QHA janyndaǵy óńirlik Qoǵamdyq kelisim keńesiniń tóraǵasy Oralbek Jaqiianov oblystyq QHA-nyń atqaryp jatqan jumysy jáne keleshekke arnalǵan josparlary týraly aityp, joǵarydan qoiylǵan mindetterge sáikes negizgi qyzmet Jetisýda turatyn barlyq etnostardyń tatýlyǵy men kelisimin saqtaýǵa baǵyttalǵanyn atap ótti.
«Oblystyq Assambleia músheleriniń árbiri ózinshe belsendi. Almaty oblysy túrli ult ókilderi kóp turatyn aimaqtyń biri. Biz búgingi kezdesýde halyq qalaýlysy jiynda aitylǵan barlyq usynys pen talap-tilekti joǵaryǵa jetkizýin suraimyz. Assambleianyń negizgi yqpaly men múmkinshiligin tereń ekeni barshayzǵa málim. Sonymen qatar, , eldiń strategiialyq baǵyty turǵyndardyń ál-aýqatyn arttyrý men respýblikanyń damýyna negizdelgen», - dedi QHA janyndaǵy óńirlik Qoǵamdyq kelisim keńesiniń tóraǵasy Oralbek Jaqiianov.
Sonymen qatar, depýtat Vakil Nabiev M.Tynyshpaev atyndaǵy oblystyq tarihi-ólketaný murajaiy men I.Jansúgirov atyndaǵy ádebi mýzeiin aralap, ekspozitsiialarmen tanysyp, mádeniet nysandarynyń qyzmetkerlerimen áńgimelesti. Budan keiin jastarǵa qyzmet kórsetý ortalyǵynyń ǵimaratynda oblystyq «Jańǵyrý joly» shtabynyń belsendilerimen kezdesip, jiynda jastardy Qazaqstan halqy Assambleiasyna tartý máseleleri talqylandy.
«Ózderińiz bilesizder, Qazaqstan halqy Assambleiasyna eldiń tutastyǵy men birligine qyzmet etip otyrǵan birden bir mekeme. Sol úshin Assambleia qataryna jastardy tartý mańyzdy ekenin atap ótkim keledi. Óitkeni bolashaq qazirgi jastardyń qolynda. Eń bastysy, búgingi jastar shetinen bilimdi, bilikti, eńbekqor. Bilim-ǵylymǵa qushtar jastyń bolashaǵy jarqyn bolmaq. Al ondai azamat Assambleia quramynda bolsa, eldiń birligi de nyǵaia túspek», - Qazaqstan Respýblikasy Parlamenti Májilisiniń depýtaty Vakil Nabiev.
Estrińizge sala keteiik, Biyl elimizdiń Táýelsizdigine 30 jyldyǵyna orai halyq qalaýlylary el-jerdi aralap, túrli kezdesýler uiymdastyrýda. Sondai kezdesýdiń biri Taldyqorǵan qalasynda ótti. Qazaqstan Respýblikasy Parlamenti Májilisiniń depýtaty Vakil Nabiev Almaty oblysyna kelip, oblystyq Qazaqstan halqy Assambleiasynyń múshelerimen, etnomádeni birlestikterdiń, analar jáne Qoǵamdyq kelisim keńesteriniń ókilderimen, «Jańǵyrý joly» oblystyq shtabynyń belsendilerimen kezdesti.
