Foto: Murat Aiaǵan
Pavlodar oblysy Baianaýyl aýdanynyń Maiqaiyń kentindegi jer úiden eki adamnyń múrdesi tabyldy. Jer úi eldi mekendegi «Ploshadka» shaǵynaýdany aýmaǵynda ornalasqan. Qaitys bolǵandar qyzy men ákesi ekeni anyqtalǵan, dep habarlaidy Ult.kz.
Belgili bolǵandai, marqumdardyń múrdesi úide uzaq ýaqyt jatyp qalǵan. Al úide osy ýaqytqa deiin qaitys bolǵan er adamnyń zaiyby jáne marqum áieldiń kishkentai balasy turyp kelgen. Basqa aqparat ázirshe jariialanbady.
– Atalǵan oqiǵa boiynsha qylmystyq is qozǵaldy. Qazirgi ýaqytta bolǵan oqiǵanyń barlyq mán-jaiyn obektivti zertteýge baǵyttalǵan qajetti tergeý áreketteri júrgizilip jatyr, - dep habarlady Pavlodar oblysy politsiia departamentinen.
