Qarqaraly aýdanyna 1942 jyldyń jazynda Ekinshi dúniejúzi soǵysy kezinde qaza tapqan sarbaz Rapyq Shamshievtiń súiegi qaitaryldy. Osy jyldar ishinde onyń týystary marqumnyń qaida jerlengenin bilmegen, dep habarlaidy "Ult aqparat".
Qarqaraly aýdanynyń týmasy Rapyq Shámshiev 1942 jyly maidanǵa shaqyrylǵan. Týǵan aýylynda onyń jubaiy men eki balasy qaldy.
Rapyq Shámshiev 868-shi atqyshtar polkiniń quramynda soǵysyp, Briansk maidanynda urystarǵa qatysqan.
1942 jyldyń jazynda ol jaraqat alyp, kóp uzamai qaitys bolady.
Jaýyngerdiń týystary qara habar alǵan, biraq onda sarbazdyń naqty jerlengen jeri kórsetilmegen.
Sondyqtan osy jyldar ishinde jaqyndary kúnderdiń bir kúni marqumnyń basyna baryp, quran baǵyshtaimyz degen úmitin úzbegen.
«Ákem Rapyq Shámshiev 1912 jyly dúniege kelgen. 1942 jyly ony Qarqaraly aýdanynyń áskeri komissariatynan shaqyrdy. Ol kezde men tórt jasta, al inim eki jasta edi. Anamnyń aitýynsha, áskeri komissariattan adamdar kelip, sol kúni túnde ákem soǵysqa ketken. Biz jyladyq. Olar ony tapty dep aitqan kezde, men sene almadym, bálkim, shatastyryp alǵan shyǵar dep oiladym, óitkeni arada tym kóp ýaqyt ótken soń bul múmkin emes dep oiladym», – deidi soldattyń qyzy Erkesh Shamshieva.
Jaýyngerdiń súiegin «Rjev. Kalinin maidany – 2021» halyqaralyq ekspeditsiiasy barysynda reseilik «Pioner» jasaǵy tapty.
Rapyq Shámshievtiń súiegimen birge Kamen Jumanov, Tolsýbai (Tólebai) Jumabekovter de Otanyna oraldy – olar 1942 jyldyń aqpan aiynda Qorǵaljyn aýdandyq áskeri komissariatyna shaqyrylǵan.
Qazaqstanǵa súiekterdi Qazaqstan áskeri-áýe kúshteri áskeri-kólik aviatsiiasynyń borty jetkizdi.
«Bizge ai saiyn qaza tapqan jáne habar-osharsyz ketken týystary men jaqyndaryn izdeý boiynsha onǵa deiin ótinishteri kelip túsedi. Biz Qazaqstan men Reseidiń izdestirý jasaqtarymen tyǵyz jumys júrgizýdemiz, Resei Federatsiiasynyń aýmaǵynan tabylǵan jaýyngerlerdiń týystaryn izdestirý úshin áskeri komissariattarmen bailanys ornatýdamyz», – deidi ulttyq áskeri-patriottyq ortalyq áskeri-tarihi murajaiynyń izdestirý-ekspeditsiia bóliminiń qyzmetkeri Ásem Qanapina.
Jaqynda Qazaqstan Qarýly Kúshteriniń ulttyq áskeri-patriot ortalyǵy qaza tapqandardy eske alý úshin týǵan jerine oralǵan jaýyngerlerdiń týystaryn jinady.
