29 shildede Máskeý qalasynyń Presnenskii sotynda Resei akteri Mihail Efremovtiń isi boiynsha aldyn ala tyńdaý ótkiziledi. Belgili akter Máskeý ortalyǵynda bir adamnyń ólimine ákelgen jol-kólik oqiǵasynda aiyptalyp otyr. Bul týraly TASS agenttigi habarlady.
Sottyń baspasóz hatshysy Lela Kokaianyń aitýynsha, otyrys jergilikti ýaqytpen saǵat 11:00-ge belgilengen. Ol jabyq rejimde ótedi.
Aldyn ala tyńdaý kezinde sot taraptar ótinishterin qarastyryp, istiń qaralatyn kúnin belgileidi, bultartpaý sharasyn uzartady. Efremovtiń úiqamaqta otyrý merzimi 9 tamyzda aiaqtalady.
Is boiynsha jábirlenýshiler bolyp tórt adam tanylǵan: ol jol-kólik oqiǵasynda qaitys bolǵan Sergei Zaharovtiń jesiri, aǵasy jáne eki uly. Olardyń barlyǵy sotta Efremovqa azamattyq talaptaryn usynýdy josparlap otyr. Olardyń ókili Aleksandr Dýbrovinskii talap aryzdardyń jalpy somasyn ataǵan joq. Biraq advokat Pashaev másele 40 mln rýbl jaiynda ekenine senimdi.
Qaitys bolǵan Zaharovtiń otbasy akterden ótemaqy alýdan bas tartty.
