Reseilik akter Mihail Efremov jol apatynan keiin úndeý jasady. TASS úndeýdiń tolyq mátinin jariialady, dep habarlaidy "Ult aqparat".
«Sol bir qaraly dúisenbiden beri tórt kún ótti. Men ne aitarymdy bilmedim, qazir de bilmeimin. Sergei Zaharovtyń otbasynan qalai jáne ne dep keshirim suraitynymdy bilmeimin. Biraq, meni keshirmeitinin bile tura báribir keshirim suraimyn.
Men qolymnan kelgenshe kómektesemin, árine qabyl alsa. Ony meni keshirsin dep «satyp alý» úshin emes, kúnámdi jýyp-shaiý úshin jasaimyn. Jubaiymnan, balalarymnan keshirim joq. Maǵan sengen adamdardan da.
Rólge mas kúide otyrǵanym keshirilmeitin áreket boldy. Sonyń saldarynan kúnásiz adam, jaqsy azamat, meniń qurdasym qaza tapty.
Men ári qarai qalai ómir súrerimdi bilmeimin. Kóp adam meni ártis retinde jazadan qutylyp ketedi dep oilap júrgen shyǵar. Joq, men olai jasamaimyn, tanystarymdy ortaǵa salmaimyn.
Barlyǵy oqiǵany kórgennen keiin qalai qutylasyń. Esimdi jiǵannan keiin men de kórdim. Qudaiǵa shúkir, anam kórgen joq. Bul kino emes, artqa eshteńe ainaldyra almaisyń. Bári bitti, endi Efremov joq.
Barlyǵyn satyp kettim. Keshirińizder, ótinemin. Basqa aitar sózim joq», - dedi akter.
Eske salaiyq, 8 maýsym kúni Máskeý qalasy Smolensk alańynda Jeep Grand Cherokee kóligin tizgindegen reseilik akter Mihail Efremov qarsy jolaqqa shyǵyp ketip, fýrgonmen soqtyǵysty.
Fýrgon júrgizýshisi – 57 jastaǵy Sergei Zaharov aýrýhanada jatyp kóz jumdy. Akter oqiǵa ornynda ustalyp, meditsinalyq tekserýge jiberildi. Keiinnen meditsinalyq saraptama onyń mas bolǵanyn rastady.
