Aqmola oblysynyń ákimi Ermek Marjyqpaev óńir eldi mekenderin gazben qamtamasyz etýge qatysty aitty, dep habarlaidy "Ult aqparat".
«Arshaly jáne Tselinograd aýdandarynyń 20 eldi mekenin gazben qamtamasyz etý boiynsha jumys jalǵasyp jatyr. Kógildir otynǵa qosylý múmkindigine aýyldyq jerdegi 35 myńnan astam adam ie bolady», - dedi E. Marjyqpaev Ortalyq kommýnikatsiialar qyzmetinde.
Onyń aitýynsha, qazirgi kezde 100 myńnan astam turǵyny bar Tselinograd aýdanynyń taǵy 8 eldi mekenine gaz tartýǵa jobalyq qujatnama daiyndalyp jatyr.
«Ekinshi kezektegi qurylys-montajdaý jumystary 2022 jyly bastalyp, kezeń-kezeńmen 2023 jyly aiaqtalady. Gazben qamtamasyz etý máselesi oblys ákimdiginiń erekshe baqylaýynda tur», - dedi ol.
