Foto: Videodan skrin
Qaza bolǵan jasóspirim Sherzat Polattyń ákesi Qarjaýbai Nurymov buqaralyq aqparat quraldarymen kezdesýdi talap etti. Gazeldiń ústine shyqqan Qarjaýbai jýrnalister kelmegen jaǵdaida ózine qol jumsaitynyn málimdedi, dep habarlaidy Ult.kz Stan.kz -ke silteme jasap.
TikTok jelisinde "Bakosia" esimdi akkaýnttan Qarjaýbai Nurymovtyń qaryndasy Baqyt tikelei efirge kirip, oqiǵany túsirdi. Videoda Qarjaýbaidyń júk kóliginiń tóbesine shyǵyp, jýrnalistermen kezdesýdi talap etkeni kórinedi. Almaty oblysy Eńbekshiqazaq aýdany Azat aýylyndaǵy oqiǵa ornynda kúshtik qurylym qyzmetkerleri, azamattyq tulǵalar, onyń ishinde marqum jasóspirim men onyń aǵasynyń týystary jinalǵan.
Oqyrmandardyń biri redaktsiiaǵa oqiǵanyń qalai bolǵanyn qysqasha baiandap berdi. Oqyrmannyń aitýynsha, Qarjaýbaidyń jalǵyz talaby – quqyq qorǵaý organdary uly men inisiniń ólimine qatysty jaǵdaidy ádil tergeýi.
Marqum Sherzat Bolattyń ákesi Qarjaýbai Nurymov eki aidan beri eshteńe ózgermegenin aitty. Sońynda inisi Nurqanattan da aiyrylyp qalǵanyn jetkizdi.
"Video tolyq túspei qaldy, biraq Qarjaýbai gazel kóliginiń tóbesine shyǵyp aiqailap jatty. Jan-jaqtyń bárin politsiia qyzmetkerleri qorshap tur. 1-2 minýttan keiin Qarjaýbaidy jerge qulatyp túsirip, sol jerden efir úzilip ketti. Týysqany emespin tek qoldaýshysymyn. Biraq myna efir ári ketse 5 minýt qana ashylyp úzilip ketti. Biraq sol 5 minýtta 15 myńnan asa adam kórip otyrdy", – dep jazdy redaktsiiaǵa oqyrmandardyń biri.
Videoda kólik ústinde Nurymovpen birge bir áieldiń de otyrǵany kórinedi. Videodan Qarjaýbaidyń qaryndasy Baqyttyń aǵasyn urmaýyn ótinip, aiǵailap jatqany estiledi.
Marqum Sherzat Bolattyń ákesi Qarjaýbai Nurymov qolyna pyshaq ustap, BAQ ókilderimen kezdesýdi talap etip jatyr. Sondai-aq ol quqyq qorǵaý organdarynan uly men inisiniń óliminiń mán-jaiyn shynaiy túrde anyqtaýdy surady.
Áleýmettik belsendilerdiń aitýynsha, Nurymov qazir júk kóliginiń tóbesine shyǵyp, jýrnalistermen kezdesýdi kútip otyr. Oqiǵa ornynda kúsh qurylymdary, beibit turǵyndar men marqumnyń týystary bar.
Videodan kólik ústinde Nurymovpen birge áiel aldamnyń baryn baiqaýǵa bolady.
Aita keteiik, buǵan deiin Talǵardyń shetinen Nurǵanat Ǵaiypbaevtyń denesi tabylǵany týraly jazǵan edik. Politseilerdiń málimetinshe, 30 jastaǵy er adam asylyp, óz-ózine qol jumsaǵan.
Eske salaiyq, Talǵarda jappai tóbeles bolyp, saldarynan 16 jastaǵy Sherzat Polat kóz jumǵan edi. Janjal jasóspirimniń otbasy jumys isteitin dúkende bastalǵan. Jasósipirimniń óliminen keiin Sherzat Bolattyń úiin belgisiz bireýler órtep ketti. Ishki ister ministrligi Sherzattyń ólimine qatysty 10 adam kúdikti dep tanylyp, bes qylmystyq is qozǵalǵanyn málimdedi. Sondai-aq ministrlik jasóspirimdi óltirdi dep aiyptalǵan kúdiktiler arasynda buryn sottalǵandar bar ekenin de rastady.
