Mańǵystaýda meditsina qyzmetkerleriniń 77 paiyzy koronavirýsqa qarsy vaktsina alǵan, dep habarlaidy Baq.kz agenttigi.
Mańǵystaý oblystyq Densaýlyq saqtaý baskarmasynyń málimetinshe, 7,2 myńnan astam meditsina salasynyń qyzmetkeri COVID-19 indetine karsy vaktsina alǵan.
Mańǵystaý oblysy boiynsha jalpy meditsina qyzmetkerleriniń sany 10 myńnan asady. Onyń ishinde 9 376-sy vaktsina alýshylar sanatyna kiredi. Búginde ekpe alǵandar sany 7206 aq halatty abzal jandy quraidy. Olardyń sany 77%-ǵa jetip otyr, - delingen habarlamada.
Oblysta koronavirýs infektsiiasyna qarsy vaktsina saldyrǵandar sany 4 esege artqan. Óńir turǵyndarynyń vaktsina alýda belsendiligi artqany buǵan dálel bolyp otyr. Ekpe pýnkterine kelgenderdiń qatary kóbeigen.
Mysaly, bizdiń emhanamyzda meditsinalyq qyzmetkerlerdiń 96 paiyzy ekpe aldy. Jeksenbi, senbi kúnderi de jumys istep jatyrmyz. Vaktsina alýǵa keletin halyqtyń sany kúnnen kúnge artyp jatyr. Qajet bolǵan jaǵdaida túsindirme jumystaryn da osy jerden júrgizip jatyrmyz. Kúnine emhanamyzda 200 adam ekpe alyp jatyr, - dedi Aqtaýdaǵy «ERKEMED» emhanasynyń bas dárigeri Serik Qasym.
Ol ataǵandai, meditsina qyzmetkerleri eńbek ujymdaryna vaktsina jasaý úshin shyǵady. Ol úshin jergilikti jerlerde barlyq sanitarlyq norma men tártipke sai keletin oryndar jasaqtalǵan.
Aita keteiik, Mańǵystaý oblysy boiynsha vaktsina alǵandardyń jalpy sany -121 515 adam. Onyń ishinde birinshi komponent alǵandar sany - 80119 adam, al ekinshi komponent alǵandar sany - 41396 adam.
