Aýyl sharýashylyǵy ministri Saparhan Omarov Mańǵystaý oblysynda jem-shóp az bolý sebebinen jylqynyń jappai qyrylýyna qatysty túsinik berdi, - dep habarlaidy Tengrinews.kz.
Aýyl sharýashylyǵy ministrine Mańǵystaý oblysynda jylqylardyń qyrylyp qalý máselesi týraly suraq qoiyldy. "Aýdandyq ákimdikter tarapynan nemqurailyq boldy ma? Qaryzǵa jem berý máselesin erterek qarastyrýǵa bolmas pa edi?" - dedi OKQ brifinginde BAQ ókilderi.
"Iá, meniń oiymsha, bul - aýdandyq ákimdikterdiń olqylyǵy. Olar jergilikti jerlerdegi jaǵdaidy Aýyl sharýashylyǵy ministrligine nemese oblys ákimdigine qaraǵanda jaqsy biledi. Eger olar jaǵdaidy aldyn ala eskertip, qoldaý sharalaryn usynsa, Úkimet tarapynan bul kómekti erterek kórsetetin edik", - dedi Saparhan Omarov.
Eske salaiyq, buǵan deiin Jelide Mańǵystaý oblysynda ashtan azyp ketken jylqylardyń sýretteri talqylanyp jatqany habarlanǵan bolatyn.
Sýretterdi Facebook qoldanýshysy Berdimurat Tórekenov jariialady. Onyń aitýynsha, Mańǵystaý oblysyndaǵy birneshe aýylda jylqylar ólim aýzynda tur. Tórekenovtyń sózine sensek, biyl dalada jańbyr joq, jaiylymdar keýip ketken, jem jetispegennen jylqylarǵa berer azyq ta tapshy.
