Mańǵystaý oblysyna eki kúndik jumys sapary barysynda Aýyl sharýashylyǵy ministriniń mindetin atqarýshy Erbol Qarashókeev Qaraqiia, Túpqaraǵan jáne Mańǵystaý aýdandarynyń mal ósirýshilerimen, sharýa qojalyqtarynyń basshylarymen jáne kásipkerlerimen kezdesti. Bul týraly AShM habarlady.
Jergilikti deńgeide azyqpen qamtamasyz etý boiynsha qabyldanyp jatqan sharalarmen tanysty.
Fermerlermen kezdesý barysynda ol Mańǵystaý oblysyndaǵy qatty qurǵaqshylyqtan zardap shekken agrarshylarǵa kómek kórsetý úshin Úkimet pen aýyl sharýashylyǵy ministrligi qabyldap jatqan jedel sharalar týraly habarlady.
Ol jariialaǵan aqparat boiynsha, 2021 jylǵy 12 shildedegi № 482 qaýlysymen aýyl sharýashylyǵy janýarlarynyń qystaýy úshin azyq qunyn arzandatýǵa Úkimet rezervinen 1,9 mlrd.teńge bólindi. Bul qoldaýdy úi jáne sharýa qojalyqtarynyń ieleri alady.
Azyq-túlik korporatsiiasy arqyly Mańǵystaý oblysy úshin quny naryqtyq baǵadan 17% - ǵa tómen 637 tonna arpa satyldy,. Onyń ishinde 211 tonnasy úi sharýashylyqtaryna satyldy. Óńirge qosymsha kelesi apta ishinde 573 tonna arpa jetkiziletin bolady.
Sondai-aq orman sharýashylyǵy, rezervattar aýmaqtarynda mal jaiý jáne shóp shabý máselesi pysyqtaldy.
Elden azyq shyǵarýǵa tyiym salý boiynsha sharalar qabyldanatyn bolady. Jemshóp daiyndaý úshin arzandatylǵan JJM kólemderin qaita bólý máselesi de qosymsha qarastyrylýda.
«Azyq-túlikpen qamtamasyz etý jáne jedel áreket etý máselelerin sheshýdi úilestirý úshin, AShM janynan Respýblikalyq jedel shtab quryldy. Onyń quramyna oblystar men aýdandar ákimderiniń orynbasarlary, «Báiterek» holdingi men Azyq-túlik korporatsiiasynyń qarjylandyrýshy uiymdarynyń basshylary kirdi. Oblys ákimdikteri aldaǵy qystaýǵa arnalǵan jem daiyndaý josparyn aiqyndap, olardy oryndaý boiynsha apta saiynǵy monitoringtik jumystardy uiymdastyrdy«, - dep tolyqtyrdy E.Qarashókeev.
Sapar qorytyndysy boiynsha aýyl sharýashylyǵy ministriniń mindetin atqarýshy oblys ákimi Serikbai Trumovpen kezdesip, óńirdiń aýyl sharýashylyǵyn damytý máseleleri jónindegi keńeske qatysty, onyń barysynda óńirdegi sharýashylyqty jem-shóppen qamtamasyz etý jónindegi júieli sheshimderdi iske asyrýdy usyndy.
Týyndaǵan qolaisyz jaǵdaidy sheshý úshin ol oblys ákimdikterine mal sharýashylyǵyn damytýdy sýbsidiialaý qaǵidalaryna sáikes jemshópti forvardtyq satyp alý jáne jemshóp qunyn arzandatý úshin jergilikti biýdjetterden qosymsha qarajat qarastyrýdy, sondai-aq iri munai jáne qurylys kompaniialarynyń tehnikasyn Batys Qazaqstan jáne Aqtóbe oblystarynan azyq jetkizýge jumyldyrýdy usyndy.
Mal sharýashylyǵyn qoldaý úshin, óńirde fermerlerdiń kreditter boiynsha tólemderin uzartý máselesi qaralatyn bolady.
«Ákimdikpen birlesip jem-shóp óndirisin damytý jáne jaiylymdardy jaqsartý boiynsha júieli sharalar qabyldaityn bolamyz. Munda barlyq iesiz jatqan qudyqtar men uńǵymalardy túgendeý, sý bógetterin salý jáne ǵalymdarmen birlese otyryp qurǵaq daqyldardy ósirý qajet. Eń bastysy, syni jaǵdailar týyndaǵan kezde ýaqtyly sheshim qabyldaý kerek, óitkeni bul táýekelder boljanyp otyr», - dep atap ótti Qarashókeev.
Sondai-aq, ol aýyl sharýashylyǵy ministrligi árdaiym ashyq ekenin jáne óńirlerdiń usynystaryn Úkimet deńgeiine qaraýǵa shyǵarýǵa daiyn ekenin aitty.
