Foto: globalnews.kz
Mańǵystaý oblysynda Túpqaraǵan aýdanynyń 26 jastaǵy turǵyny jumysqa ornalasý kezinde jalǵan diplom usynǵany úshin sottaldy, dep habarlaidy Lada.kz.
Sot materialyna sáikes, ol áskeri qyzmetke ornalasý kezinde 2022 jylǵy 30 maýsymda berilgen Qazaq sport jáne týrizm akademiiasy diplomynyń kóshirmesin tapsyrǵan, sonymen qatar anketada atalmysh joǵary oqý ornyn bitirgenin jazǵan.
Alaida 2025 jylǵy 2 jeltoqsanda júrgizilgen tekseris diplomnyń jalǵan ekenin anyqtady. Akademiia bergen málimetke sáikes, atalǵan azamatqa "Dene shynyqtyrý jáne sport" mamandyǵy boiynsha diplom berilmegen. Saraptama qorytyndysy boiynsha qujat lazerlik printermen jasalǵany anyqtaldy. Diplom blanki akademiianyń resmi blankine sáikes kelmeidi.
Sottalýshy kinásin tolyq moiyndady. Aqtaý qalalyq soty aiyptalýshyny kináli dep tanyp, oǵan 86 500 teńge aiyppul saldy. Sondai-aq Jábirlenýshilerge ótemaqy tóleý qoryna 19 660 teńge óndirildi.
