Mańǵystaý oblysynyń bas memlekettik sanitarlyq dárigeriniń qaýlysy jariialandy, dep habarlaidy "Ult aqparat".
Qaýlyǵa sáikes, endi meiramhana, kafe jáne kofehana tipindegi qoǵamdyq tamaqtandyrý obektileriniń qyzmeti, ornalasqan jerine qaramastan, kúsheitilgen rejimde ústelderdiń arasy keminde 2 metr áleýmettik qashyqtyqty saqtai otyryp, 50% kelýshilerman 30 otyratyn orynnan aspaityn talaptardy saqtai otyryp, jumys kúnderi saǵat 07:00-den 20:00-ge deiin jumys istei alady.
«Ashyq» jobasyna qatysatyn qoǵamdyq tamaqtaný obektileri, onyń ishinde banket zaldary (meiramhanalar men dámhanalar tipi boiynsha qyzmet kórsetý, as berý) úshin jumys jáne demalys kúnderi saǵat 07:00-den 20:00-ge deiin jáne ashyq aýada saǵat 7:00-den 22:00-ge deiin (jazǵy zaldar) jumys isteidi. Ujymdyq, saltanatty sharalar, otbasylyq basqosýlar jáne basqa da buqaralyq is-sharalardy uiymdastyrýǵa jáne ótkizýge qatań tyiym salynady. «Ashyq» jobasyna qatysatyn nysandarda eske alý ótkizýge ruqsat bar.
Ornalasqan jerine qaramastan, fitnes-ortalyqtardyń, fitnes-klýbtardyń, ioga ortalyqtarynyń, sporttyq-saýyqtyrý obektileriniń basseinderdi, saýnalardy, SPA-ny salondar 5 adamnan aspaityn toppen «Ashyq» jobasyna qatysatyn obektiler úshin ǵana jumys kúnderi saǵat 10:00-den 22:00-ge deiin jumys isteidi. Senbi jáne jeksenbi kúnderi jumys isteýge tyiym salynady.
Sonymen qatar, qalaaralyq turaqty avtobýstardyń (shaǵyn avtobýstardyń) qozǵalysyna tyiym salynady.
Qaýly 7 shildeden bastap kúshine enedi.
