Mańǵystaýdyń Munaily aýdanyndaǵy ákimdiktiń bólim basshysy basshylaryn iissýmen «satyp almaqshy» bolǵany týraly video áleýmettik jelide tarady. Qazir osyǵan bailanysty videoda aty atalǵan oblystyq basqarmanyń eki qyzmetkeri aryz jazdy, dep habarlaidy "Ult aqparat".
Aita keteiik, videoda Munaily aýdandyq kásipkerlik jáne aýyl sharýashylyǵy bólimi basshysynyń mindetin atqarýshy Bahtiiar Qýanyshbektiń áriptesterimen áńgimesi jazylǵan. Al sol videoda attary atalǵan oblystyq basqarmanyń eki basshysy «bul videojazba sybailas jemqorlyqqa shaqyrady» dep quzyrly orynǵa aryz-shaǵym túsirdi.
«Bólim qyzmetkerleri «Sybailas jemqorlyqqa qarsy is-qimyl týraly» zańdy elemei, basshylarynyń áńgimesin tyńdap otyrǵan. Bul áreket qylmystyq jaýapkershilikke ákep soǵady. Al memlekettik qyzmetshi B.Qýanyshbektiń áńgimesi tipti áielderdiń ar-namysy men qadir-qasietine nuqsan keltiredi. Osynyń bárin eskere otyryp, oblystyq kásipkerlik jáne saýda basqarmasynyń basshysy J.Toqbaeva men investitsiialar jáne týrizmdi damytý basqarmasynyń basshysy V. Mustapaeva ýákiletti organdardan «Sybailas jemqorlyqqa qarsy is-qimyl týraly» Zańy men «QR memlekettik qyzmetshileriniń etikalyq normalary men minez-qulyq qaǵidalaryn odan ári jetildirý jónindegi sharalar týraly» Kodekske súiene otyryp, B. Qýanyshbekke qatysty qatań shara qabyldaýdy suraidy. Sonymen qatar, olar memlekettik qyzmetshilerdiń ádep kodeksin buzǵany úshin videodaǵy bólim qyzmetkerlerine de qatań shara qoldanýdy talap etedi», - delingen oblystyq ákimdik taratqan baspasóz relizinde.
Aryzda, sondai-aq, áleýmettik jelide moraldyq zalal keltirgeni úshin aiyppul salý jáne resmi keshirim suraý qajettigi aitylǵan. Qazirgi ýaqytta bólim basshysynyń mindetin atqarýshy B.Qýanyshbekke qatysty qyzmettik tekserý bastaldy.
Aita keteiik Bahtiiar Qýanyshbek osydan 1 jarym ai buryn Munaily aýdandyq kásipkerlik jáne aýyl sharýashylyǵy bólimi basshysynyń m.a. qyzmetine taǵaiyndalǵan bolatyn.
