Áleýmettik jelide balaǵa massaj jasap jatqan áieldiń videosy paida boldy. Rolik qoǵamdyq rezonans týdyrǵan. Bul fakti Mańǵystaý oblysynda tirkelgen. Óńirlik politsiia departamentiniń málimetinshe, qazir tekseris júrip jatyr dep habarlaidy Nur.kz portaly.
Jelide jariialanǵan videodan áieldiń meditsinalyq halat pen maskasyz balaǵa massaj jasap jatqanyn jáne sábidiń qatty jylap jatqanyn baiqaýǵa bolady.
Odan bólek, kadrdan áieldiń sábidiń ishin qatty basyp, qol-aiaǵyn sozǵanyn, tipti onyń moinynan ustap silkilegenin kórýge bolady.
Jelide taraǵan videoǵa qatysty Mańǵystaý oblystyq politsiia departamenti pikir bildirdi.
"Videorolik qatysýshysy jumys isteitin sulýlyq salonyna Beineý aýyly politsiiasynyń basshysy keldi. Massaj jasaýshy men náresteniń ata-anasy shaqyrtyldy. Politsiiaǵa aryz túspegen. Alaida áleýmettik jelilerge monitoring júrgizý kezinde fakti tirkeldi jáne istiń tolyq mán-jaiyn anyqtaý úshin tekseris júrgizilýde", - deidi vedomstvo.
Nazar aýdaryńyz! Videony júike-júiesi álsiz adamdarǵa, júkti áielder men 18 jasqa tolmaǵan jandarǵa qaraý usynylmaidy!
