Mańǵystaý oblysyndaǵy Mańǵystaý aýdanynda jergilikti kásipkerler shóp shaýyp, aýyl-aimaqty shóppen qamtýdy qolǵa aldy, dep habarlaidy "Ult aqparat".
Máselen, Aqshymyraýdan 120 shaqyrymda ornalasqan Jumyrtqaly jerinde jumys istep jatqan eki brigada 15 kúnniń ishinde 43 tonna shóp shapqan.
Byltyrdan qalǵan qamba shópti shaýyp, aýylǵa tasyp jatqan jergilikti kásipkerler Nurjaýbai Nurbekov pen aǵaiyndy Mustafinder ákimdikpen memorondým aiasynda shóp baǵasyn 700 teńgeden asyrmai otyr.
Shóp shabýshylardyń aitýynsha, ázirge Aqshymyraý aýylyna tasyp jatyr, birer kúnde kórshiles Qyzan aýylyna da aparmaq.
Jalpy, Mańǵystaý aýdany boiynsha 14 kásipkerge shóp shabý úshin jer berilgen, qazir beseýi bastap ketti.
Al Tasorpa bettegi Jumyrtqaly jerinen jergilikti kásipkerler shapqan shóp Aqshymyraý, Qyzan aýyldaryna 700 teńgeden ótkizilip otyr.
Oralbaev Qýatbai Myńkisi áýlie mańyna shalǵy salyp, Shebir, Tushyqudyq aýyldaryn shóppen qamtymaq. Baǵa 700-900 teńge aralyǵynda.
Sondai-aq, Aqtóbeniń Qobda aýdanyndaǵy keshendermen kelissóz júrip, «Kaspii» ÁKK arqyly shóp ákelinip jatyr jáne jyl aiaǵyna deiin jetkizilip turmaq.
