Foto: QR QM
Mańǵystaý oblysyndaǵy "Beineý" poligonynda ótken josparly atys jattyǵýlary kezinde merzimdi áskeri qyzmetker qaza tapty. Oqiǵa boiynsha qylmystyq is qozǵalyp, tergeý bastaldy, dep habarlaidy Ult.kz.
Qarýly kúshteri Qurlyq áskerleriniń málimetinshe, 17 aqpanda Mańǵystaý oblysyndaǵy "Beineý" poligonynda josparly dalalyq atys jattyǵýlary kezinde "Batys" óńirlik qolbasshylyǵyna qarasty merzimdi áskeri qyzmetker qarýmen jumys isteý barysynda alǵan oq jaraqatynyn qaza tapty.
"Atalǵan derek boiynsha Batys óńiriniń áskeri-tergeý organdary qylmystyq is qozǵady. Qazir sotqa deiingi tergeý júrgizilip, oqiǵanyń barlyq mán-jaiy men sebepteri anyqtalyp jatyr", – delingen habarlamada.
Oqiǵa ornyna qorǵanys ministriniń orynbasary, general-maior Shaih-Hasan Jazyqbaev bastaǵan komissiia jiberildi. Sonymen qatar bas áskeri prokýror, ishki ister ministrliginiń áskeri-tergeý departamentiniń bastyǵy bardy. Qajetti jedel-tergeý is-sharalary júrgizilýde, saraptamalar taǵaiyndaldy. Is boiynsha protsessýaldyq prokýror aiqyndaldy. Istiń tergelý barysy bas prokýratýra tarapynan baqylaýǵa alyndy. Qylmystyq-protsestik kodekstiń 201-babyna sáikes sotqa deiingi tergep-tekserýdiń ózge derekteri jariia etýge jatpaidy.
